web counter
LEXO PA REKLAMA!

SHKARKO APP

App Store
Google Play

IJF: Gazetari i arrestuar nuk është anëtar në shoqatën tonë, karta e tij është e falsifikuar

17 Dhjetor 2024, 17:15, Aktualitet CNA

IJF: Gazetari i arrestuar nuk është anëtar në shoqatën

4 gazetarë u arrestuan këtë të martë nga policia, të cilët dyshohet se shisnin drogë në ish-Bllok, ndërsa iu sekuestrua 300 doza ekstazi.

Në media qarkulloi edhe fotoja e njërit prej tyre, i cili kishte një kartë gazetari.

Lidhur me këtë, ka ardhur një reagim nga Shoqata e Gazetarëve Profesionistë të Shqipërisë, e cila sqaron se gazetari nuk është anëtar i saj.

Gjithashtu, IJF deklaron se karta e gazetarit të të arrestuarit është e falsifikuar, ndërsa kërkon të mbajnë përgjegjësi ligjore për falsifikim si mbajtësi, ashtu edhe prodhuesi.

IJF: Gazetari i arrestuar nuk është anëtar në shoqatën

“Shoqata e Gazetarëve Profesionistë të Shqipërisë u njoh me lajmin e aksionit të policisë sot në zonën e ish bllokut, ku u arrestuan katër persona për shitje droge. Një nga personat, shtetasi Ergis Noka kishte dokumentin në foto (bashkëlidhur këtij emaili), që ngjan me kartën e IFJ, që përdorin anëtarët e shoqatës sonë.

Për transparencë publike sqarojmë se, shtetasi Ergis Noka nuk është anëtar i Shoqatës së Gazetarëve profesionistë të Shqipërisë dhe ai dokument është i faksifikuar. Cilido nga anëtarët tanë, që ka një kartë të IFJ-së, e dallon me sy të thjeshtë që elementet në dokument nuk janë ato që ka karta origjinale e Ferderatës Ndërkombëtare të Gazetarëve, pjesë e së cilës është Shoqata e Gazetarëve Profesionistë të Shqipërisë.

Ai dokument nën emrin Ergis Noka është fals dhe si mbajtësi, ashtu edhe prodhuesi duhet të mbajnë përgjegjësi ligjore për falsifikim”, nënvizon Shoqata e Gazetarëve Profesionistë të Shqipërisë./ CNA





Lajmet e fundit nga