web counter
LEXO PA REKLAMA!

SHKARKO APP

App Store
Google Play

Harta e re gjyqësore/ Maks Haxhia sjell shembullin e një gruaje që dhunohet

13 Korrik 2022, 15:11, Aktualitet CNA

Harta e re gjyqësore/ Maks Haxhia sjell shembullin e një gruaje

Harta e re gjyqësore, vijon të krijojë debate.

Kreu i Dhomës së Avokatisë Maks Haxhia ka thënë se lindin një sërë problemesh me formulën e re.

Në Komisionin  e Ligjeve, Haxhiaj ka sjellë një shembull, se nëse një grua rrihet në Frashër të Përmetit duhen 6 orë që të mbërrihet në vend dhe deri atëherë ai tha se asaj mund t’i ketë ikur inati për të denoncuar dhunuesit.

“Një grua që rrihet në Frashër të Përmetit duhen 6 orë që të shkojnë. Sa të shkojnë i ka ikur edhe inati, i kanë ardhur edhe familjarët”, tha Haxhia.

Sipas të njëjtit, qeveria e ka seriozisht tryezën për konsultim pasi është bërë publik qëndrimi se vendimi është marrë.

“Është e domosdoshme të ketë tre apo katër apele. Madje thamë që Apeli i Tiranës të ndahet në civil dhe penal dhe një nga këto të shkojnë në Durrës. Propozuam që gjykatat e shkallës së parë të ktheheshin në seksione administrative. Ne kërkuam që Saranda të ketë një gjykatë të shkallës së parë. Ndërkohë natyrisht nuk u mor asnjë. Edhe pse ne dhamë kontributin tonë bëmë kundërshtimet tona për t’u bashkuar me qëllimet që ndjek qeveria e gjyqësorit.

 Kërkesa jonë është që të mos vëmë gurin e parë në themel dhe pastaj të prishim katet. Po dëgjojmë që vendimi është gati për t’u marrë, atëherë që kot kemi ardhur. Nuk besojmë se ju e keni seriozisht. Ju s’po bëni me seriozitet hartën territoriale. Pezulloni hartën gjyqësore, bëni hartën territoriale dhe më pas edhe hartën gjyqësore sepse pushtetet shkojnë paralele. Nuk e kemi bërë këtë lëvizje për buxhetin tonë”, ka thënë ai./CNA.al





Lajmet e fundit nga