web counter
LEXO PA REKLAMA!

SHKARKO APP

App Store
Google Play

E fundit!

x

Fushatë mediatike kundër drejtësisë

4 Korrik 2025, 12:19, Aktualitet CNA
Fushatë mediatike kundër drejtësisë
Foto ilustruese

Një fushatë hileqare mediatike po zhvillohet në ditët e fundit, si presion ndaj sistemit të drejtësisë në kontekstin e afrimit të datës së gjyqit të Erion Veliajt në Gjykatën e Lartë, më 8 korrik.

E gjitha filloi me një artikull të Alaistar Campbell, 'spin doctor' i Tony Blair, i cili mundohej ta lidhte mbajtjen në burg të Veliajt me standardet apo integrimin europian.

Vetë Tony Blair është një lidhje e hershme e kryeministrit Rama, madje ka punuar edhe si këshilltar i tij “falas”.

Po ashtu edhe i kryeministrit serb Vuçiç.

Duket se Ballkani është një ndër sferat e interesit të ish-kryeministrit britanik, i cili e mban veten tashmë me konsulencat diplomatike që jep në vende të ndryshme të botës, përfshirë Emiratet e Bashkuara Arabe.

Vazhdoi me një letër të hapur të nënës së Erion Veliajt, Shqiponja Veliaj, e cila fliste për “makth kafkian” dhe se nuk e kuptonte “pse Europa po mbyll sytë ndaj një shkeljeje të qartë të vlerave mbi të cilat BE është ngritur.”

Duket se argumentet kryesore të kësaj fushate mediatike janë:

- “Procesi kafkian”, pra mbajtja në burg pa akuzë.

- Zgjedhja e Veliajt me votë popullore.

E para është në kufijtë e qesharakes, pasi dyshimi i arsyeshëm i bazuar në prova është mjaftueshëm i argumentuar, për korrupsion e pastrim parash me anë të një rrjeti të OJF-ve dhe kompanive të kontrolluara nga bashkëshortja dhe vëllai i tij.

E dyta është pak më politike, dhe problematike.

Argumenti se të zgjedhurit me votë nuk duhet të dënohen tenton të bëjë apel tek përfaqësimi, por mbart një rrezik të madh.

Le të supozojmë për një moment të kundërtën, pra që çdo i zgjedhur si deputet apo kryebashkiak do të ishte mbi ligjin.

A nuk do të ishte ky fundi i republikës dhe një feudalizëm i ri?

A nuk u themelua SPAK-u pikërisht për të ushtruar këtë detyrë, pra për të hetuar dhe dënuar politikanët, të zgjedhurit me votë që kishin ndërtuar një sistem paprekshmërie ndër vite?

Demokracia nuk mund të vijë para republikës, përndryshe i hapet dera demagogjisë dhe despotizmit.

Jo më kot etërit themelues të SHBA-së kishin tmerrin e mbifuqisë së presidentit dhe bënin çdo përpjekje për të kufizuar pushtetin e presidentit, siç shpaloset qartë në Letrat e Federalistit.

Mbajtja në burg e Veliajt nuk është thjesht një çështje gjyqësore personale.

Është guri i provës për besueshmërinë e SPAK-ut, GJKKO-së dhe Gjykatës së Lartë, për vijimësinë e drejtësisë dhe garantimin se drejtësia e re nuk është çekiç i Edi Ramës për të goditur opozitën, në funksion të një autokracie tashmë të pandalshme.

*Marrë nga faqja Lolita në rrjetet sociale

 





Lajmet e fundit nga