Investigimet e CNA-së/ Gazetari: Halli i Veliajt është propaganda, nuk bëhet drejtësi me “PR”

3 Korrik 2025, 09:28, Politikë CNA

Investigimet e CNA-së/ Gazetari: Halli i Veliajt është

CNA, në investigimet dhe shkrimet e raportuara, ka zbërthyer strategjinë që përdor Erion Veliaj për të shpëtuar nga burgu.

Vetëm dy ditë më parë, CNA raportoi një shkrim të një medie të huaj, e cila që në hyrje të tij, shkruante se Veliaj, kryebashkiaku i arrestuar i Tiranës, qëndron i arrestuar pa akuzë dhe më pas vijonte me një letër të nënë Shqiponjës, e cila përmendte Franc Kafkën, që është një emër i përdorur me dhjetëra herë nga Veliaj në postimet e tij që prej arrestimit.

I ftuar në emisionin "Kafe Shqeto", gazetari Elvi Fundo ka deklaruar se Veliaj dhe ata që i shërbejnë atij po kërcejnë nga belaja.

Gazetari theksoi se Veliaj nuk ka diturinë dhe mençurinë të përballet me provat, por halli i tij është propaganda.

Mediat e Veliajt mendojnë se mund ta rregullojnë me propagandë, por Veliaj është i mbaruar politikisht.

Gazetari Elvi Fundo nënvizoi se e gjitha është një strategji që Veliaj përdor pasi nuk do të përballet me provat dhe nxjerr zëra, por thekson po ashtu se drejtësia nuk bëhet me propagandë, mbrojtje imazhe apo PR.

“Japin mend këta anglezët, këta kërcejnë nga belaja. Jam i bindur që Veliaj s’ka diturinë dhe mençurinë të përballet me prova, halli i tij është propaganda. Mendojnë se mund të rregullojnë propagandën, është një lider që nuk u bë kurrë i tillë dhe ka mbaruar politikisht.

Ndodhi kjo e pardjeshmja që m'u duk e nxorën mediat e paguara nga incenaratorët. Në momentin e parë kur e pashë dallova nënë Shqiponjën, e cila përdor Kafkën, por nënë Shqiponja ka qenë kaptere, s’të lejonin në kohën e Enverit të lexoje Kafkën, të fluturonin.

'Lumi i qelbur' i Kafkës, që në këtë rast mendoj se është Veliaj, termi kafkian është term i përdorur 15 herë nga Veliaj në postimet e tij. Është një statregji që Veliaj nuk do të përballet me provat, do të nxjerr zëra.

Në fakt, drejtësia nuk bëhet me PR dhe propaganda e mbrojtje imazhi.

Veliaj ka 13 akuza, pas publikimit nga CNA të një vendimi të gjykatës është regjistruar akuza e 14-të.

Është shpërdorim detyre për një rrugë që Veliaj ka shpikur për ta çuar në pronat e Ajola Xoxës”, tha gazetari./ CNA