web counter
LEXO PA REKLAMA!

SHKARKO APP

App Store
Google Play

E fundit!

x

"Duhet një pikë kthese në bujqësi"/ Rama, me autokritikë

2 Korrik 2025, 13:50, Politikë CNA

"Duhet një pikë kthese në bujqësi"/ Rama, me

Kryeministri Edi Rama, sot në mbledhjen me fermerët dhe sipërmarrësit në Cërrik të Elbasanit, është shprehur se bujqësia ka nevojë për një pikë kthese.

Rama tha se kredia prej 250 milionë eurosh apo garancia sovrane nuk ka sjellë rezultat dhe për këtë duhet të ndryshohet qasja.

Sipas kryeministrit, tha se duhet të ndryshojë qasja te politikëbërësit, duke bërë një autokritikë.

“Duhet një pikë kthese. Nuk kemi një ndërmarrje të vetme bujqësore të krijuar me kontributin e fermerëve, sipërmarrësve dhe strukturave të pushtetit vendor. Janë bërë disa tentativa, por nuk mund të themi se kemi krijuar një model, ndërkohë që kemi vendosur në dispozicion një linjë të re.

Kredia nga Banka e Shqipërisë 250 milionë euro që është një shumë kolosale për të mbështetur ambiciet, por që e kombinuar me garancinë sovrane që është prej kohësh në dispozicion të fshatit nuk ka sjellë dhe gjasat janë që të mos sjellë rezultat nëse ne nuk ndryshojmë qasjen, e kam fjalën për ne që jemi në politikëbërje. Për të ndryshuar qasje na duhet një bashkëpunim më i afërt me protagonistët që janë më afër përditshmërisë së fshatit.

Këtu janë dhe disa projekte të drejtuesve vendorë dhe shpresoj që nga kjo bisedë e sotme të çelim një kapitull të ri bashkëpunimi dhe ndërveprimi me territoret në të cilat zhvillohet jeta e përditshme e fshatit.

Kemi nevojë të madhe të rrisim impaktin e institucioneve që në letër dhe në misionin e tyre kanë mbështetjen e bujqësisë dhe zhvillimin rural”, tha Rama./ CNA





Lajmet e fundit nga