web counter
LEXO PA REKLAMA!

SHKARKO APP

App Store
Google Play

E fundit!

x

“Jam intimiduar”/ Vokshi: Në ditën e votimit dolën publikisht krerët e grupeve kriminale

1 Korrik 2025, 17:19, Politikë CNA

“Jam intimiduar”/ Vokshi: Në ditën e votimit dolën

Deputetja e Partisë Demokratike, Albana Vokshi deklaroi sot se në ditën e zgjedhjeve kanë qenë të përfshirë edhe antëtarë të grupeve kriminale.

Në fjalën e saj gjatë punimeve të Asamblesë Parlamentare të OSBE, që po zhvillohet në Porto të Portugalisë, Vokshi u ndal te rasti i zgjedhjeve në Vorë.

Voksi u shpreh se në zgjedhjet parlamentare të 11 majit është ndjerë e intimiduar si asnjëherë më parë.

“Disa ditë para zgjedhjeve, depozitova një kallëzim zyrtar pranë mekanizmit që u ngrit ngritur për të parandaluar krimet zgjedhore. I dhashë këtij mekanizmi të gjithë informacionin e detajuar për grupin kriminal. Kam këtu emrat e anëtarëve dhe drejtuesve të këtij grupi kriminal, të dënuar për vrasje dhe trafik droge në Shqipëri, BE, Angli etj.

Në ditën e zgjedhjeve, në këtë foto mund të shihni kreun e grupit kriminal, duke debatuar me Sekretarin e Përgjithshëm të Partisë Demokratike Noka. Për herë të parë grupi kriminal, në vend që të fshihej, doli publikisht edhe me intervista live në TV etj. Ata ishin aq të sigurt që do të mbroheshin saqë dolën publikisht, gjë që nuk kishte ndodhur kurrë më parë. Kjo, për arsyen e vetme sepse kishin mbështetjen e Ministrit të Ekonomisë të cilin e mbështetën në zgjedhje.

Nëse i shihni këto foto, janë anëtarë të ndryshëm të grupit kriminal. Ata qëndronin jashtë qendrave të votimit, dhe brenda tyre. I gjithë grupi, qëndroi përgjatë gjithë ditës së zgjedhjeve, në një bar përballë qendrës kryesore të votimit, duke kontrolluar procesin e votimit. Anëtarëve të grupit kriminal u ishin lëshuar ‘badge’ false për t’u dhënë akses brenda qendrave të votimit, për të kontrolluar, intimiduar apo kërcënuar votuesit.

Në foto shihen disa qendra votimi. Përballë secilës prej tyre ndodheshin 50–60 persona nga i njëjti grup kriminal, me detyrë të kontrollonin dhe intimidonin votuesit. Çdo votues duhej të kalonte përpara tyre përpara se të hynte në qendrën e votimit.

Asnjëherë në jetën time nuk jam fyer, intimiduar apo kërcënuar si në këto zgjedhje, në çdo qendër votimi. Ata e bënin këtë me një qëllim: që unë të largohesha, e t’ua lehtësoja kontrollin e plotë të procesit. Por jo vetëm kaq: unë isha me vajzën time dhe disa vajza të stafit tim. Njëri nga anëtarët e grupit kriminal, jo vetëm më kërcënoi mua, por kërcënoi edhe vajzën time. Kjo është çmenduri!”,-tha Vokshi./CNA





Lajmet e fundit nga