web counter
LEXO PA REKLAMA!

SHKARKO APP

App Store
Google Play

E fundit!

x

"BE kërkon të anulohen praktikat"/ Bushati: Tri media kanë pozicionin e investitorit strategjik

30 Qershor 2025, 22:02, Politikë CNA

"BE kërkon të anulohen praktikat"/ Bushati: Tri media

I ftuar në emisionin “Now” me Erla Mëhillin, ish-ministri i Jashtëm, Ditmir Bushati ka folur për procesin zgjedhor në Shqipëri, ku u ndal te përdorimi i burimeve shtetërore në fushatë.

Ish-ministri tha se në 2013, kohë kur ishte në opozitë kishte besuar se kjo gjë nuk do të ndodhte më, por ende sot pas 12 vitesh, vijon të jetë e njëjta gjë. Fajtor për këtë, Bushati deklaroi se janë të dyja palët politike.

Më tej, ish-ministri u shpreh se ndërkohë që BE kërkon të anulohen praktikat e investitorit strategjik, në Shqipëri ka 3 media kombëtare në pozicionin e investitorit strategjik.

Bushati tha se duhet të ndajmë nëse duam që informimi të jetë në 3 duar që ushqehen nga buxheti i shtetit apo të shkohet drejt modeleve ku media nuk ka akses në fondet kombëtare.

“Në 2013 e kam besuar kur kemi thënë që s’do ketë më përdorim të burimeve shtetërore. Kur shoh raportin pas 12 viteve, thashë pse ne në këtë rrethrrotullim, pse se bëjmë dot këtë hov. Faji është i të dyja palëve. Kemi katër media kombëtare, 3 kanë pozicionin e investitorit strategjik. Ndërkohë që BE kërkon të anulohen praktikat e investitorit strategjik.

E duam ne informimin në 3 duar dhe të ushqehen nga buxheti i shtetit apo të shkojmë drejt modeleve ku media s’ka akses në fondet kombëtare dhe informon në mënyrë cilësore” , tha Bushati./ CNA





Lajmet e fundit nga