web counter
LEXO PA REKLAMA!

SHKARKO APP

App Store
Google Play

E fundit!

x

Bota drejt luftës apo drejt paqes?/ Bushati: Rendi global nuk ekziston më, po krijohet i ri

30 Qershor 2025, 21:01, Politikë CNA

Bota drejt luftës apo drejt paqes?/ Bushati: Rendi global nuk ekziston

Ish-ministri i Jashtëm, Ditmir Bushati ka zhvilluar një intervistë mbrëmjen e sotme në emisionin “Now” me Erla Mëhillin. Bushati ka folur për situatën në të cilën ndodhet bota dhe nëse po shkon drejt një lufte apo drejt paqes.

Ish-ministri u shpreh se situata në të cilën ndodhet bota është shumë e vështirë për të bërë parashikime, por tha se disa zhvillime janë shumë dramatike për kohën ku jetojmë.

Ish-ministri deklaroi se rendi global nuk ekziston më dhe një rend i ri është në krijim e sipër. Ky rend i ri, u shpreh Bushati, duhet t’i shqetësojë shqiptarët pasi jemi përfitues nga rendi ndërkombëtar.

Ish-ministri deklaroi se pa rendin global nuk do të kishte as Kosovë të pavarur dhe ndoshta as shembje të komunizmit në Europë.

 

“Shumë e vështirë për të bërë parshikime. Kemi disa zhvillime që mund të konsiderohen dramatike për kohën ku jetojmë. Drei para 3 vitesh besonim se lufta në Ukrainë ishte diçka e paprecedentë, kur punoja në Lindjen e Mesme kuptova që ishte thjesht një shqetësim europian. Ai që ne konsideronim si rendi global nuk ekziston më. Jemi në nëj situatë amorfe, ku një rend i ri është në krijim e sipër, por nuk e dimë se cili është ky rend. Ne shqitarët duhet të jemi shumë të shqetësuar. Jemi përfituesit nga rendi ndërkombëtar, bazuar në të drejtat themelore dhe liritë ndërkombëtare. Pa këtë lloj rendi dhe pa ndërhyrjen amerikane nuk do të kishim Kosovën të pavarur, nuk do të kishim Shëipërinë në Nato, mbase nuk do të kishim dhe shembjen e komunizmit në Europë. Duhet të jemi shumë të kujdesshëm për të ruajtur një balancë mes interesiit tonë kombëtar dhe të drejtës ndërkombëtare në zhvillim e sipër”, tha Bushati./ CNA





Lajmet e fundit nga