web counter
LEXO PA REKLAMA!

SHKARKO APP

App Store
Google Play

E fundit!

x

"Është vërtetuar antikushtetueshmëria e ligjit për Zonat e Mbrojtura"/ Ina Zhupa: Shkatërrues dhe klientelist!

1 Korrik 2025, 13:34, Politikë CNA

"Është vërtetuar antikushtetueshmëria e ligjit për

Deputetja Ina Zhupa ka kërkuar shfuqizimin e ligjit të Zonave të Mbrojtura në Gjykatën Kushtetuese.

Nga seanca gjyqësore e datës 23 qershor dhe provat e sjella nga palët është provuar se:

1- se u shkel neni 56 i Kushtetutës dhe nenet 5, 6 dhe 7 të Konventës së Aarhusit, pasi rezultoi e provuar se amendamentet e propozuara nga Këshilli i Ministrave, të cilat më pas u shndërruan në draftin përfundimtar të Ligjit nr. 21/2024 nuk iu nënshtruan konsultimit;

2- u shkel neni 82, pika 1, e Kushtetutës pasi siç rezultoi e provuar tashmë krijimi i Zyrës së Administrimit të Parkut Kombëtar të Vjosës ka një kosto prej 820 mijë eurosh për vitet 2025 - 2027, ndërsa projektligji, përfshirë amendamentet e KM-së nuk përfshinin asnjë raport të efekteve financiare;

3) u shkel neni 59 i Kushtetutës dhe Konventat e Bernës/Rios, pasi qartazi ligji nr. 21/2024 liberalizoi ndërtimet e resorteve me 5 yje në të gjitha Zonat e Mbrojtura, ndërkohë që ligji i mëparshëm i ndalonte këto ndërtime në nënzonat qendrore dhe nënzonat e tjera u nënshtroheshin kufizimeve të rrepta.

Zhupa më tej ka deklaruar se Kushtetuta shkelet dhe interesi publik nuk garantohet për të plotësuar orekset e Edi Ramës dhe oligarkëve pranë tij që duan ta mbushin me pika të vogla që kanë resorte të mëdha.

Deputetja i ka bërë thirrje Gjykatës Kushtetuese të çohet në lartësinë e detyrës për të shpëtuar pasurinë publike, tashëgiminë kombëtare dhe parimet e solidaritetit social.

“Ne i bëjmë thirrje Gjykatës Kushtetuese të jetë në lartësinë e detyrës dhe sot ka mundësinë t'i shërbejë Kushtetutës, për të shpëtuar pasurinë publike, trashëgiminë kombëtare dhe parimet e solidaritet social. Ne kemi detyrë që brezave të ardhshëm t'u lëmë një mjedis si yni ose më të mirë dhe jo vilat dhe hotelet e një oligarku”, ka deklaruar deputetja Ina Zhupa./ CNA





Lajmet e fundit nga