web counter
LEXO PA REKLAMA!

SHKARKO APP

App Store
Google Play

E fundit!

x

Zhulali: Rama përfiton se i gjithë populli shqiptar është eurofil

1 Korrik 2025, 21:21, Politikë CNA

Zhulali: Rama përfiton se i gjithë populli shqiptar është

Ekspertja e integrimit Ilda Zhulali deklaroi sot se kryeministri Edi Rama përfiton nga fakti që Shqipëria është një vend që nuk ka asnjë parti evropiane, pra i gjithë spektri politik pa asnjë përjashtim, është i vendosur fort pro Bashkimit Evropian,

E ftuar në një emision në ‘Syri TV’, Zhulali përpiqet që të lozë vetëm me këtë aset që ka në dorë sepse parametrat e tjera të qeverisjes i di shumë mirë që i ka të rrëzuar.

“Edi Rama përfiton nga fakti që Shqipëria është një vend që nuk ka asnjë parti evropiane, pra i gjithë spektri politik pa asnjë përjashtim, është i vendosur fort pro Bashkimit Evropian, dhe i gjithë populli shqiptar është një popull eurofil, pra shqiptarët në Kosovë dhe në Shqipëri janë një popull eurofil.

Edi Rama këtë e di që ky është një aset shumë i rëndësishëm për Shqipërinë dhe përpiqet që të lozë vetëm me këtë aset që ka në dorë sepse parametrat e tjera të qeverisjes i di shumë mirë që i ka të rrëzuar dhe ju e keni parë që sa herë del në të tilla evenimente, ai flet vetëm për këtë gjë, flet në përgjithësi, flet me sloganë. “Do përshpejtojmë procesin, do shkojmë në Evropë në 2030” tha në fillim, tani thonë në 2027, por asnjëherë nuk ka thënë se çfarë ka bërë për të shkuar atje.

Ajo që ka marrë mbrapsht Edi Rama, apo që ka marrë në këmbim nga këto vende evropiane nuk ka qenë përparimi i Shqipërisë apo një cilësi më e mirë jetese për shqiptarët apo më shumë para nga BE për shqiptarët, por ka marrë symbyllje për të qëndruar në pushtet ai.

Këtë e ka marrë deri tani, mirëpo gjërat kanë filluar të ndryshojnë dhe Rama e ndjen këtë ndryshim.

Edhe BE, që prej janarit të këtij viti, ne na ka vënë në një tjetër monitorim, Shqipëria monitorohet çdo javë, çdo javë çon raporte në Komisionin Evropian”,-tha Zhulali./CNA





Lajmet e fundit nga