web counter
LEXO PA REKLAMA!

SHKARKO APP

App Store
Google Play

E fundit!

x

“Ta hetojë SPAK-u”/ Himçi: Zjarrvënia në inceneratorin e Elbasanit është e qëllimshme

1 Korrik 2025, 20:58, Politikë CNA

“Ta hetojë SPAK-u”/ Himçi: Zjarrvënia në

Deputeti i zgjedhur i Partisë Demokratike për Qarkun e Elbasanit, Blendi Himçi akuzoi sot për zjarrvënie të qëllimshme pranë zonës së inceneratorit të Elbasanit.

Në një deklaratë për ‘Syri Tv’, Himçi shprehet se kjo ngjarje duhet t’i kalojë për kompetencë SPAK-ut.

“Kjo histori është 2 herë, njëherë ndodh në dimër dhe njëherë ndodh në verë.

Dhe kjo është bërë në mënyrë sistematike dhe padyshim që jemi para zjarrvënies së qëllimshme.
Sigurisht edhe për zjarrvënien e fundit, prokuroria e juridiksionit të përgjithshëm të rrethit gjyqësor Elbasan e ka hetuar çështjen dhe ka regjistruar një çështje për zjarrvënie të qëllimshme dhe krime mjedisore dhe është ende në hetim, dhe sigurisht mund të marrë shumë shpejt edhe të pandehur. Unë besoj se kjo nuk është më çështje e prokurorisë së juridiksionit të përgjithshëm të rrethit gjyqësor Elbasan por është një çështje e SPAK pasi në këndvështrimin tim jemi para një grupi të strukturuar kriminal.

Kjo duhet t’i kalojë për kompetencë SPAK, jemi para një grupi të strukturuar i cili kryen veprimtari kriminale nëpërmjet një kompanie fantazëm e cila është EcoELB, e cila është me kapital shtetëror 100%, ku Bashkia Elbasan disponon 51% të aksioneve dhe 49% i administrojnë 6 bashkitë e tjera të qarkut Elbasan.

Padyshim djegiet në mënyrë sistematike bëjnë uljen e kapacitetit të sasisë së mbetjeve urbane, por këtu pretendohet se është vetëm në fushën e landfillimit dhe jo të incenerimit.
Realisht nuk jemi para incenerimit, inceneratori ka punuar vetëm një muaj dhe ka pushuar”,-tha Himçi./CNA





Lajmet e fundit nga