web counter
LEXO PA REKLAMA!

SHKARKO APP

App Store
Google Play

Rinumërimi për Fierin drejt fundit/ PD thellon humbjen, PS-së i shtohen votat

2 Korrik 2025, 13:40, Politikë CNA

Rinumërimi për Fierin drejt fundit/ PD thellon humbjen, PS-së i

Procesi i rinumërimit të votave për Qarkun e Fierit po shkon drejt fundit. Pjesa më e madhe e kutive janë hapur.

Nga rinumërimi i deritanishëm nuk ka pritshmëri për lëvizje mandatesh mes partive apo edhe sa u përket mandateve të kandidatëve.

Sa u përket subjekteve politike, rezulton se Partisë Socialiste i ishin hequr 27 vota të merituara, të cilat i shtohen pas rinumërimit. Nga ana tjetër, koalicionit të Partisë Demokratike i ishin shtuar padrejtësisht 108 vota nga numërimi i 11 majit.

Ndërsa për kandidatët, Ceno Klosi i Partisë Socialiste rezulton të kishte 888 vota të pamerituara në emrin e tij. Edhe kandidatit të PS-së, Klevis Jahaj, që i janë hequr 448 vota më 11 maj.

Nga opozita, Silva Hasaj është kandidatja me më shumë vota të pamerituara, 689 vota të tilla. Ajo ndiqet nga Gentian Çela që ka pasur 209 vota të pamerituara. Më i dëmtuari në këtë rast ka qenë Ledion Çala.

Anëtari i Komisionit të Ankimimeve dhe Sanksioneve, Ledio Braho, ka thënë më herës se ndryshe nga rinumërimi në Tiranë, në Fier rezulton se “nuk jemi në kushtet e gabimit njerëzor, por duket që ka veprimtari të qëllimshme nga grupet e numërimit”.

Megjithatë pritet që Komisioni Qendror i Zgjedhjeve të marrë një vendim për këtë çështje pas përfundimit të procesit të rinumërimit./ CNA





Lajmet e fundit nga