web counter
LEXO PA REKLAMA!

SHKARKO APP

App Store
Google Play

E fundit!

x

“Mos i prekni”/ Tensione në gjyqin për “Plumbin e artë”, të pandehurit përplasen me policët

3 Korrik 2025, 13:04, Aktualitet CNA

“Mos i prekni”/ Tensione në gjyqin për “Plumbin e

Seanca e sotme gjyqësore për dosjen “Plumbi i artë” është shoqëruar me tensione të forta.

Të pandehurit janë përplasur me policët e burgjeve dhe më pas janë larguar nga kafazi në sallën e gjyqit.

Sipas asaj që raportohet, shkak është bërë mosvënia në dispozicion e dëshmisë së plotë të Erjon Alibejt, të penduarit të drejtësisë.

Sipas gazetares Glidona Daci, edhe avokatët e të pandehurve janë përfshirë në debate me policët duke u kërkuar të “mos i prekin” të pandehurit dhe t’i lejojnë të largohen nga salla. Pas kësaj, ata u larguan.

Gjatë seancës, i penduari i drejtësisë, Erjon Alibej, pretendoi se avokatët mbrojtës kanë pasur qëllime të tjera në lidhje me kërkesën për dëshminë e tij.

“Unë kam bërë një deklarim shumë të gjerë, ku vetëm 25% është këtu. Kush mbron Plarent Dervishajn nga ju, kush mbron Suel Çelën, kush i mbron trafikantët e tjerë të drogës? Nëse për shumë emra të tjerë kam folur, nuk ka pse të sillen në këtë proces. Unë kam familjarë që u rrezikohet edhe jeta, nga emrat që unë kam përmendur në prokurori, pasi janë ende nën hetim ata. Unë për çdo emër që ka dalë nga goja ime jam i gatshëm të përballem me të. Unë e di shumë mirë edhe lojën e avokatëve”, ka thënë Alibej në seancë./ CNA





Lajmet e fundit nga