web counter
LEXO PA REKLAMA!

SHKARKO APP

App Store
Google Play

E fundit!

x

Karburanti, telefoni, udhëtimet dhe dietat/ Sa të kushtueshëm janë deputetët e Kuvendit

2 Korrik 2025, 12:38, Aktualitet CNA

Karburanti, telefoni, udhëtimet dhe dietat/ Sa të kushtueshëm

Vetëm në 5 muajt e parë të vitit 2025, Kuvendi i Shqipërisë ka shpenzuar një shumë marrëmendëse për mbulimin e pagave apo përfitimeve të tjera që kanë deputetët e Kuvendit.

Bëhet fjalë për një shumë mbi 2.2 milionë euro.

Kjo shumë përfshin rrogën bazë, por edhe një sërë përfitimesh të tjera.

Gazetarja Arestina Skënderi renditi shpenzimet që kryhen për deputetët duke nisur nga karburanti e deri te dietat dhe udhëtimet.

Paga zyrtare mujore e një deputeti në Shqipëri është 310,000 lekë (rreth 3,100 euro).

Shpenzimet mujore për deputetët

– Karburanti, i cili llogaritet mes 30,000 dhe 40,000 lekë në muaj (rreth 300–400 euro).

– Shpenzimet telefonike të rimbursuara nga Kuvendi, që arrijnë deri në 200 euro në muaj për disa deputetë, veçanërisht kryetarët e komisioneve parlamentare.

– Dietat për udhëtime brenda vendit, që mund të shkojnë deri në 150,000 lekë në muaj (rreth 1,500 euro), varësisht nga aktivitetet dhe pjesëmarrjet në komisione apo vizita në zonat elektorale.

– Për deputetët që nuk kanë banesë në Tiranë, Kuvendi mbulon deri në 35,000 lekë në muaj për qira. Aktualisht janë 21 deputetë që përfitojnë këtë subvencion.

Sipas përllogaritjeve kostoja reale mujore për një deputet arrin nga 3,600 deri në mbi 4,000 euro, varësisht përfitimeve që ai deklaron dhe kërkon të rimbursojë.

Disa deputetë, të cilët as nuk janë dukur në Kuvend për të bërë as detyrën si Luli Basha kanë deklaruar se që nga shtatori 2024 nuk kanë përfituar asnjë shtesë përtej pagës bazë, duke refuzuar karburantin, qiranë dhe dietat.

Sipas burimeve nga administrata e Kuvendit, ato që nuk kursejnë shpenzimet janë Klotilda Bushka, Mimi Kodheli, Jorida Tabaku, Ina Zhupa dhe Zheni Gjergji që përfitojnë deri në 20,000 lekë në muaj për shpenzime telefonike, si dhe dieta të shtuara.

Gjithashtu Kuvendi vijon të mbulojë qiranë për 21 deputetë që kanë deklaruar se nuk kanë banesë në Tiranë./ CNA





Lajmet e fundit nga