web counter
LEXO PA REKLAMA!

SHKARKO APP

App Store
Google Play

Landfilli i Elbasanit, në flakë/ Ministria e Mbrojtjes bën propagandë

2 Korrik 2025, 11:39, Aktualitet CNA

Landfilli i Elbasanit, në flakë/ Ministria e Mbrojtjes bën

Prej ditës së djeshme landfilli i Elbasanit është përfshirë nga flakët dhe mbetjet vijojnë ende të digjen.

Ndërkohë që situata shfaqet shqetësuese, Ministria e Mbrojtjes bën propagandë duke thënë se sa mjete dhe zjarrfikëse kanë shkuar në vendngjarje.

“Në vendgrumbullimin e mbetjeve, në bashkinë Elbasan.

Në vendngjarje shkuan Shërbimi vendor i MZSH të bashkive Elbasan, Cërrik, Peqin dhe Kamëz me 5 automjete zjarrfikëse me 20 efektivë, dhe 4 mjete të rënda të bashkisë. Më pas në ndihmë të forcave në terren shkuan edhe 2 automjete zjarrfikëse me 10 efektivë nga Forcat e Armatosura.

Në orët e vona të mbrëmjes situata u rëndua dhe në vendngjarje shkuan edhe 6 mjete të rënda, 5 fadroma, 1 eksakvator të bashkisë Elbasan dhe 7 mjete të rënda të subjekteve private, të cilët kanë punuar gjatë gjithë natës, por pa mundur ta izolojnë zjarrin në landfill.

Ditën e sotme në terren ndodhen 3 automjete zjarrfikëse me 15 efektivë të bashkisë Elbasan, 2 automjete zjarrfikëse me 10 efektivë dhe 1 traktor me zinxhirë nga Forcat e Armatosura dhe po shkojnë edhe 3 automjete zjarrfikëse nga bashkitë e tjera”, thuhet në njoftimin e shpërndarë nga Ministria e Mbrojtjes./ CNA





Lajmet e fundit nga