web counter
LEXO PA REKLAMA!

SHKARKO APP

App Store
Google Play

U arrestuan në aksionin e Policisë dhe Tatimeve/ Kush janë Leonidha Çobo dhe Hongping Xiao të “Bankers Petroleum”

2 Korrik 2025, 17:16, Aktualitet CNA

U arrestuan në aksionin e Policisë dhe Tatimeve/ Kush janë

Këtë të mërkurë u arrestuan Leonidha Çobo dhe Hongping Xiao të lidhur me kompaninë e njohur “Bankers Petroleum”. Aksioni u krye nga Policia dhe Drejtoria e Tatimeve.

Por kush janë janë Leonidha Çobo dhe Hongping Xiao?

U arrestuan në aksionin e Policisë dhe Tatimeve/ Kush janë

Leonidha Çobo është ish-drejtor i kompanisë “Bankers Petroleum”, që ka mbajtur për rreth 15 vite në këtë detyrë. Fillimisht ai ka qenë Zëvendësdrejtor Teknik në periudhën Korrik 2004 - Shkurt 2006, drejtor i Operacioneve të Prodhimit në Mars 2006 - Qershor 2009, Zëvendës President e Zëvendës Drejtor i Përgjithshëm në korrik 2009 - mars 2011, Zëvendës President dhe Drejtor i Përgjithshëm në Prill 2011 - Dhjetor 2017 dhe Zëvendës Presidentdhe drejtues për Çështjet e Përgjithshme në janar 2017 - qershor 2019.

Hongping Xiao është emëruar Drejtor Ekzekutiv i Bankers Petroleum Albania, duke filluar nga 1 tetori 2024. Xiao, i cili është Inxhinier i Lartë i Eksplorimit dhe Zhvillimit të Naftës, ka një Diplomë Bachelor në Teknologji Eksplorimi dhe Inxhinieri nga Universiteti Northeast Petroleum. Ai ka 20 vjet përvojë pune në eksplorimin sizmik, monitorimin mikrosizmik të frakturimit, studimin gjeologjik dhe të rezervuarëve, shfrytëzimin e naftës, inxhinierinë e prodhimit, operimin e fushave të naftës dhe trajtimin e mbetjeve vajore. Xiao ka shërbyer si menaxher projekti në Liaohe Oilfield të PetroChina, menaxher projekti në Schlumberger, inxhinier kryesor në Maten Petroleum të Geo-Jade. Që kur iu bashkua Bankers në vitin 2018, ai ka shërbyer si Zëvendës Menaxher i Gjeologjisë dhe Zhvillimit, Menaxher i Inxhinierit të Prodhimit, menaxher i HSE-së, Drejtor i Prodhimit dhe Operimit, Zëvendës Drejtor i Përgjithshëm./CNA

 





Lajmet e fundit nga