web counter
LEXO PA REKLAMA!

SHKARKO APP

App Store
Google Play

Abuzimi me 12-vjeçaren në Fier/ Gazetarja: I ati e ka pranuar, e ëma thotë se nuk di gjë

3 Korrik 2025, 22:09, Aktualitet CNA

Abuzimi me 12-vjeçaren në Fier/ Gazetarja: I ati e ka pranuar, e

Gazetarja Glidona Daci tregoi sot se denoncimi për largimin e vajzës nga shtëpia kishte ndodhur më 29 qershor.

E ftuar në emisionin ‘Opinion’, Daci  ndau detajin tronditës, se i ati i vajzës e ka pranuar aktin, ndërsa e ëma shprehet se nuk ka qenë në dijeni.

“Sipas informacioneve që kemi siguruar ka qenë një denoncim i babait në 29 qershor për largimin  vajzës nga shtëpia. Vajza ishte 12 vjeç dhe ishte larguar nga banesa. Ngjarja ka ngritur në alarm gjithë policinë e Fierit dhe kjo ndoshta ishte pika e kthesës që çoi në zbulimin e kësaj ngjarje. Pas kontrolleve që janë bërë vajza është gjetur në shtëpinë e një fqinji dhe kur është pyetur nga psikologu ajo ka treguar që është abuzuar nga babai që në moshën 5-vjeçare. Në atë periudhë ata jetonin në Gjermani. Nga ana tjetër në momentin që është bërë arrestimi i babait ka ardhur një njoftim shumë i shkurtër nga policia e Fierit në datën 30 qershor ku specifikonte se është arrestuar një 30-vjeçar për shkak se dyshohej që ka kryer marrëdhënie seksuale me vajzën e tij të mitur 12-vjeçare. Pas marrjes së deklarimeve të babait ai ka pranuar se ka abuzuar me të bijën. Ka shpjeguar se ngjarja ka ndodhur vetëm një herë, gjatë një momenti kur ai po kthehej nga Tirana në Fier me të bijën kur po udhëtonin me makinë, por nuk ka pranuar të japë shpjegime të mëtejshme. Nga aktekspertimi paraprak që i është bërë vajzës rezulton se ndaj vajzës janë kryer marrëdhënie seksuale, por për të specifikuar më tej do të duhet të presim aktekspertimet e tjera që do t’i vihen në dispozicion prokurorisë. Ai e ka pranuar në momentet e para. Nëna pretendon se nuk ka ditur asnjë gjë dhe e ka mohuar kategorikisht”,-tha Daci./CNA





Lajmet e fundit nga