web counter
LEXO PA REKLAMA!

SHKARKO APP

App Store
Google Play

Fasha 800 kWh nga 1 tetori/ Bejtja: Në faturën e nëntorit do të ndieni ndryshimin

27 Shtator 2022, 20:47, Aktualitet CNA
Fasha 800 kWh nga 1 tetori/ Bejtja: Në faturën e nëntorit do
Zëvendësministri i Infrastrukturës dhe Energjetikës, Ilir Bejtja

Zëvendësministri i Infrastrukturës dhe Energjetikës, Ilir Bejtja, ka shpjeguar për të gjithë qytetarët se si do të nisë matja me tarifën e re.

I ftuar në emisionin "Radari Informativ", Bejtja u shpreh se periudha që do të llogaritet me tarifën e re të energjisë do të jetë nga 11 tetori deri në 11 nëntor, duke theksuar se ndryshimi do të ndihet në faturën që do të merret në nëntor.

 “Ditët e para i takojnë muajit pararendës. 11 tetor-11 nëntor do të llogariten me tarifën e re. Që të mos keni mbifaturim, ditën që do ta lexojë faturisti mund t’i bëni një foto dhe të shihni shifrën. Në faturën e nëntorit do të ndjejmë ndryshimin nëse kemi konsumuar më tepër”, tha zëvendësministri.

Bejtja gjithashtu nënvizoi se aktualisht energji elektirke po prodhohet vetëm në Koman dhe në Vaun e Dejës.

Ndonëse ka patur reshje shiu, Bejtja thotë se nuk janë të mjaftueshme për të plotësuar nevojat që ka vendi për energji elektrike.

 “Reshjet janë shumë sporadike. Sot nuk janë intensive, nesër s’ka. S’kemi pasur një stinë të lagësht që të furnizojë lumin Drin”, u shpreh Bejtja./ CNA.al





Lajmet e fundit nga