web counter
LEXO PA REKLAMA!

SHKARKO APP

App Store
Google Play

Veliaj inaguron shkollën “Bashkim Fino”/ Thumbon opozitën: Ankohen ata që kanë vila luksoze

27 Shtator 2022, 17:19, Aktualitet CNA
Veliaj inaguron shkollën “Bashkim Fino”/ Thumbon opozitën:
Kryetari i Bashkisë , Erion Veliaj

Kryetari i Bashkisë , Erion Veliaj, ka inaguruar shkollën Bashkim Fino, nga ku nuk ka nguruar edhe ironinë për opozitën.

Gjatë fjalimit në inagurimin e shkollës, Veliaj është shprehur se ata që ankohen duke tëhën se në Shqipëri nuk jetohet, janë pikërisht ata që kanë vila luksoze në Gjirin e Lalëzit.

 “I dëgjoj këta që thonë në Shqipëri nuk jetohet. A ka vështirësi Shqipëria? Patjetër, por sot lagjja jonë, Shqipëria jonë, është bërë pak më e mirë, se ka një shkollë të re. Unë besoj se gjërat bëhen kur secili punon, kur secili bën të veten.

Çuditërisht, ata që bërtasin më shumë dhe thonë se në Shqipëri nuk jetohet, janë të gjithë me vila te Gjiri Lalëzit, nuk janë këtu në lagjen tonë. Nuk jetojnë as te “Mihal Grameno”, as te “Depoja Ujit”, as në Qytetin Studenti. Këta që thonë në Shqipëri nuk jetohet janë të gjithë te Gjiri i Lalzit. Kur të ikë i pari i tyre prej Shqipërisë, atëherë do të bindem se këtu nuk jetohet.

Por për sa kohë që asnjë, nga ata, nuk ikën nga Gjiri i Lalzit e për sa kohë që Tiranën e shohin si mish për top, për të na vënë kundër njëri-tjetrit, për të na vënë të kacafytemi me njëri-tjetrin për 5 votat e tyre, ne nuk do ta lemë këtë. Sepse ne këtu në lagjen tonë të paktën, këtu ku jemi rritur. Shkolla është më e rëndësishme se partitë, familja është më e rëndësishme se partitë, komuniteti, lagjja jonë, hapësirat tona janë më të rëndësishme”, ka thënë Veliaj./ CNA.al





Lajmet e fundit nga