E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Abuzimi i 15-vjeçares në Mirditë/ Flet i afërmi: Donin ta prostituonin, babai i vdiq me një brengë të madhe

27 Shtator 2022, 15:05, Aktualitet CNA

Abuzimi i 15-vjeçares në Mirditë/ Flet i afërmi: Donin ta

Foto ilustruese

Ditën e sotme është rikthyer në vëmendje një ngjarje e ndodhur një vit më parë, kur një 15-vjeçare nga fshati Tarazh i Mirditës ra pre e abuzimit seksual.

Një i afërm i të miturës ka treguar në emisionin “Me Zemër të Hapur” se abuzuesit kishin si synim që vajzën ta dërgonin në rrugë tokësore për prostitucion në Itali.

Ai bëri një apel të fortë për drejtësinë, ndërsa rrëfeu se vajza është në gjendje të rëndë dhe nuk shkon në shkollë.

Sipas tij, babai i vajzës ka ndërruar jetë me një brengë të madhe dhe të ardhurat e vetme i sigurojnë nga djali i familjes.

“Babai i 15-vjeçares vdiq tragjikisht nga një aksident në punë. Problemi i familjes në atë kohë është bërë shumë problem, por edhe pse ka kaluar 1 vit e gjysmë sot aktualisht nuk ka asnjë ndryshim, hetimet nuk kanë shkuar në fund. Qëllimi i këtyre pedofilëve ka qenë që ta çojnë në Itali për prostitucion, pasi janë paguar lekë dhe kanë dashur që ta çojnë me tokë dhe jo det. Edhe avokati i çështjes për shkak të presionit është tërhequr. Vajza është në një gjendje të rëndë ende dhe vazhdon të qëndrojë brenda në shtëpi, madje nuk ndjek shkollën, e ka braktisur. Nëna nuk punon, vetëm djali punon dhe gjendja është katastrofike në familjen e tyre.

Babai i ndjerë i 15-vjeçares ka ikur nga kjo botë me një brengë të madhe, pasi ai na ka pohuar para se të vdiste se nuk do e fitonte drejtësinë pasi njëri prej të abuzuarve është nip i kryetares së kuvendit të Shqipërisë. Dhe me këtë ai na la të kuptojmë se ka ndërhyrje në zbardhjen e të vërtetës. Por kjo duhet vërtetuar sepse vet i ndjeri e ka vërtetuar prandaj edhe na i rrëfeu.

Gazmendi, babai i 15-vjeçares iku me këtë pohim dhe këtë brengë. Në qoftë se nëna e saj nuk do e kishte zbuluar telefonin, vajza do ishte në Itali sot prostitutë. Gazmendi më kishte pohuar se kjo gjë ishte e dokumentuar nëpërmjet tabulateve telefonike”, theksoi i afërmi i të miturës./ B.A. – CNA.al