web counter
LEXO PA REKLAMA!

SHKARKO APP

App Store
Google Play

E fundit!

x

Auditi në PD për financimet ruse/ Bozdo: Hetim deri në fund, çdo gjetje do të shkojë në Prokurori

27 Shtator 2022, 15:47, Aktualitet CNA
Auditi në PD për financimet ruse/ Bozdo: Hetim deri në fund,
Anëtari i Kryesisë së PD-së, Eno Bozdo

Anëtari i Kryesisë së PD-së, Eno Bozdo, ka deklaruar se financimet ruse në PD, do të hetohen dhe kjo çështje do të zbardhet deri në fund.

Në një prononcim për "Euronews", Bozdo është shprehur se çdo gjetje që do të dalë nga hetimi do të dërgohet në Prokurori.

“Komisioni brenda mundësive që ka, duhet t’i shkojë kësaj çështjeje deri në fund dhe të specifikojë nëse Partia Demokratike ka marrë apo jo financime ruse. Për sqarimin e kësaj çështjeje ne i detyrohemi publikut, por edhe partnerëve tanë ndërkombëtarë. Nëse janë vepra që parashikohen nga Kodi Penal, ne do të marrim masat tona për të vënë në lëvizje edhe Prokurorinë”, u shpreh Eno Bozdo.

Ndër të tjera, Bozdo u shpeh se shumë shpejt do të ketë edhe protesta.

“Prej javësh tashmë të gjithë anëtarët e kryesisë, deputetët dhe anëtarët e Këshillit Kombëtar janë në terren duke marrë kontakt, jo thjesht me strukturat për riorganizimin, por edhe me grupet e interesit për të realizuar këtë objektiv politik. Besoj që për këtë çështje, shumë shpejt do të ketë edhe veprime konkrete”, tha Bozdo./ CNA.al





Lajmet e fundit nga