web counter
LEXO PA REKLAMA!

SHKARKO APP

App Store
Google Play

E fundit!

x

Debat mes socialistëve në Shkodër/ Revoltohet ministrja e Ramës

27 Shtator 2022, 17:04, Aktualitet CNA
Debat mes socialistëve në Shkodër/ Revoltohet ministrja e
Foto ilustruese

Ministrja për Sipërmarrjen, Edona Bilali, ka thirrur në mbledhje anëtarët e Këshillit Bashkiak të PS-së në Shkodër, ku iu ëshë drejtuar me tone të ashpra.

Kjo për shkak të dështimit të mbledhjes së Këshilit Bashkiak në Shkodër, ku shumë prej tyre nuk kanë qenë prezentë.

Mbledhja është shoqëruar me debate të forta, ku drejtuesja politike Edona Bilali u shpreh se PS ka në radhët e saj “një pakicë” që e quajti “llumi i partisë”.

Sipas ministres, kjo pakicë nxit që të tjerët të bojkotojnë mbledhjet e Këshillit Bashkiak.

“Jam e detyruar të bëj këtë komunikim të paparashikuar lidhur me një ngjarje të ndodhur këto ditë: bojkoti i mbledhjes së Këshillit Bashkiak. I ndjek të gjitha mbledhjet e këshillit nga dita që kam marrë këtë detyrë dhe veç habisë që kam herë pas here kur shikoj që flitni e votoni si opozitë apo në rastin më të mirë si shoqëri civile duke harruar që përfaqësoni Partinë Socialiste në këshill, por nuk kam ndërhyrë asnjëherë. Ajo çfarë ka ndodhur këtë javë është në kulmin e jo njerëzores.

Në kulmin e jo njerëzores sepse për të bërë një skemë përfitimesh personale keni rrezikuar bukën e gojës së mijëra familjeve dhe kjo sjellje është e pafalshme. Unë jam krejt koshiente që ditën që kam ardhur për një llum krejt pakicë në numër, që s’kalojnë as gishtat e dorës, që nga partia kanë marrë çdo gjë nga promovimi deri tek favoret e që partisë ja kanë nxirë fytyrën me hajdutëri e shitje vendesh pune.

Kjo është arsyeja që sa t’më besohet ky pozicion që kam ky kontingjent do të vijojë të rrijë jashtë selisë së Partisë Socialiste Shkodër. Jo më kot s’kanë më asnjë funksion në parti jo më kot s’janë më pjesë e jetës publike në administratë në qytet. Unë nuk kam preferuar të flas asnjëherë me fjalë kaq të forta sepse kam menduar që me veprime do e kuptoni njëherë e mirë që kjo nuk është sjellje e tolerueshme në parti. Mos harroni në këshill para qytetit ju jeni Partia Socialiste nuk jeni individë, e të shkoni mbrapa njerëzve që e kalojnë ditën duke shkruar tinëzisht pas faqesh anonime, letrash anonime apo komentesh nëpër portale kundër Partisë Socialiste, meje dhe tashmë drejtuesve të rinj të partisë së bashkisë si e si të krijojnë përçarje për tu kacavjerrë nëpërmjet jush drejt minimajave ku kanë qenë për të vjedhur e marrë fytyrën sërish kjo nuk ndodh më!

Për asnjë emër të përveçëm s’do të vuajë më pasojat partia aq më keq qyteti dhe turpin para këtij të fundit do ta mbani me emra të përveçëm pasi sjellja juaj nuk e përfaqëson Partinë Socialiste e cila distancohet totalisht nga sjellja juaj e kësaj jave”, ka thënë Bilali.

Por ky debat dhe fjalët e ministres, kanë shkaktuar edhe reagim në radhët e anëtarëve të Këshillit Bashkiak./ CNA.al





Lajmet e fundit nga