web counter
LEXO PA REKLAMA!

SHKARKO APP

App Store
Google Play

E fundit!

x

Fakulteti i Bujqësisë Korçë/ Plotësohen kuotat në programet prioritare, drejt pezullimit tri degë

28 Shtator 2023, 13:07, Aktualitet CNA

Fakulteti i Bujqësisë Korçë/ Plotësohen kuotat

Pak ditë para mbylljes së regjistrimeve në Universitetin e Korçës, interesi më i lartë mbetet për programet që ofrojnë më shumë garanci në tregun e punës.

Te tria programet e Fakultetit të Bujqësisë, të cilat janë edhe prioritet kombëtar kanë plotësuar kuotat, ndërsa vazhdojnë të mbeten të preferuara për maturantët, Infermieria dhe Edukimi Fizik.

Dhimitër Bello, rektor i Universitetit "Fan Noli" foli lidhur me numrin e regjistrimeve të bëra deri më tani.

“Jemi ende në raundin e dytë. Shpresojmë që regjistrimet të ecin mirë. Programet 2-vjeçare kanë pësuar një rënie. Por dhe këto besoj do të plotësohen në raundet plotësuese.”, tha Dhimitër Bello.

Interesi i ulët i maturantëve po çon drejt pezullimit tri programe, ku Filozofi-Sociologjia, Ekonomiksi dhe Biznes-Tregti nuk kanë asnjë student të regjistruar. Me pak studentë janë edhe programet e Matematikë-Fizikës.

“Në programet në prioritet janë mirë të gjitha përjashto Fizikën e Matematikën që janë programe të vështira. Ka dhe programe Ekonomik ose Filozofi-Sociologjia që nuk kemi të regjistruar. Mund të propozohet që disa programe të përjashtohen. Filozofi-Sociologjia, Ekonomiksi dhe Biznes në tregti mund të mbyllen. Do të bëhet propozim nga senati akademik.", tha Dhimitër Bello.

Regjistrimet për këtë vit akademik mbeten në të njëjtat shifra me vitin e kaluar, ndërsa ka pasur më pak të interesuar për programet 2-vjeçare.

Universiteti i Korçës ofron 57 programe studimi dhe ka rreth 3 mijë studentë./ CNA





Lajmet e fundit nga