10 punët që nuk kërkojnë fakultet

24 Qershor 2015, 08:07, Kuriozitete CNA

Të kërkosh punë pa një kualifikim universiteti është paksa e vështirë, por, janë akoma disa mundësi të cilat mund t?i shfrytëzoni për të fituar shuma të konsiderueshme parash, pa pasur një diplomë

Businessinsider raporton që mjeti i quajtur ?Adzuna? është vënë në kërkim të shpalljeve për punë online, për të gjetur se cilat punë ofrojnë pagë më të lartë, edhe nëse kurrë s?keni qenë në universitet, transmeton lajmi.net

Këto janë 10 punët më të paguara:

10. Gazetar

Paga mesatare: 43 mijë euro

Është akoma e mundshme që t?i bashkëngjiteni profesionit të gazetarisë edhe pa shkuar në fakultet, e gjitha që ju duhet është një storie e mirë dhe aftësi për të shkruar . Kolumnistja e ?Times? Caitlin Moran, nuk ka marrë ndonjë arsimim formal, por karrierën e saj e filloi duke shkruajtur për magazinën e muzikës ?Melody Maker? në moshën 16 vjeçare, dhe fitoi disa çmime në garën e shkrimit

9. Sigurim Ushtarak

Paga mesatare: 49 mijë euro

Niveli më i lartë i sigurimit është nga ish-ushtarakët. Punëdhënësit vlerësojnë jo vetëm nga inteligjenca kërcënuese e fituar nga forcat ushtarake, por edhe nga përvoja organizative dhe logjistike.

Sigurimi Ushtarak i Britanisë, i bazuar nga dy oficerë që janë përfshirë në konfliktet e Afganistanit, Kosovës dhe Irakut, bën sigurime për festivalet e mëdha si ai i Glastonbury dhe Reading, poashtu edhe ruan klientët e profilit të lartë si Atletë britanik dhe klubin e futbollit West Bromich Albion.

8. Menaxher i mbeturinave të rrezikshme

Paga mesatare: 51 mijë euro

Firmat si ?Veolia? dhe ?Suez Environment? çlirojnë mjedisin nga produktet e ndyra dhe të rrezikshme të cilat gjenerohen gjithandej nëpër spitale, fabrika apo pompa të benzinës.

Për shkak se nevojitet shkathtësi e lartë gjatë trajtimit të këtyre mbeturinave të rrezikshme, punë të këtij sektori paguhen mirë.

7.Menaxher i burimeve njerëzore

Paga mesatare: 54 mijë euro

Mund të mos jetë puna perfektë për zyre, por, puna e menaxherit të burimeve njerëzore kujdeset që të gjithë në zyre të mbesin të kënaqur, të paguhen, dhe puna të shkojë sa më mirë. Pra, për arsye se gjithçka kalon nëpërmjet tyre, ata paguhen mirë.

6. Kontrollues i trafikut ajror

Paga mesatare: 57 mijë euro

Shërbimet Nacionale të Trafikut Ajror në Britani, organizojnë kurse për të interesuarit që donë të punojnë këtë punë

Kurset marrin kohë minimum 5 muaj, por mund të zgjaten deri në 11 muaj varësisht prej sektorit të specializimit. Paga fillestare përderisa ndiqet kursi është më pak se 16 mijë euro.

5. Punëtor i energjisë nukleare

Paga mesatare: 62 mijë euro

Përderisa të gjithë punëtorët në sektorët më të larta të industrisë nukleare mund të kenë kualifikime akademike, janë ende disa punë që nuk kërkojnë gradë universitare. Edhe për këtë sektorë organizohen kurse të ndryshme.

4. Punëtor për nxjerrjen e naftës nga deti

Paga mesatare: 68 mijë euro

Kjo punë mund të jetë e gjatë, e rrezikshme dhe e vështirë. Por, pikërisht për këtë fakt kjo punë paguhet mirë.

3. Tregtar mallrash

Paga mesatare: 74 mijë euro

Ka shumë tregtar që janë bërë shumë të suksesshëm pa pasur ndonjë shkallë akademike. Por, një përgatitje e mirë në matematikë, por edhe një aftësi organizuese/planifikuese mund të jetë më e rëndësishme se shkalla Bachelor e universitetit.

2. Minatorë

Paga mesatare: 78 mijë euro

Edhe kjo si puna në det për të nxjerrë naftë, mund të zgjasë shumë dhe mund të jetë shumë e vështirë, por, në fund ajo paguhet mjaft mirë, dhe nuk ka nevojë për ndonjë universitet të përfunduar.

1. Tregtar rezervash

Paga mesatare: 83 mijë euro

Ashtu si tregtar me mallra, është akoma e mundshme të hysh në tregun e rezervave pa shkuar në universitet. Për aq gjatë sa jeni një shitës i mirë, ju gjithmonë do të keni mundësi të punësoheni në këtë punë. Por, mos e ndjekni shembullin e Leonardo DiCaprios në filmin World of Wall Street