web counter
LEXO PA REKLAMA!

SHKARKO APP

App Store
Google Play

"Erion Veliaj, nuk u paraqit për të katërtën herë radhazi"/ Kalaja: Padi strategjike, që unë të mos flas

26 Nëntor 2025, 16:07, Aktualitet CNA

Ish-kandidati për deputet i Partisë Demokratike, Aulon Kalaja ka deklaruar sot se për të katërtën herë me radhë, kryebashkiaku i Tiranës Erion Veliaj nuk është paraqitur në gjykatë për padinë e ngritur ndaj tij.

Me anë të një postimi në rrjetet sociale, Kalaja informon se gjykata ka vendosur që senca të nisë me themel më 11 dhjetor 14:00.

Kalaja thotë se ka deklaruar në gjykatë që çështja të mos pushohet pasi është i bindur në pafajësinë e tij dhe shprehet se do ta vërtetojë këtë pafajësi.

Padinë ndaj tij, Kalaja e cilëson si një padi strategjike që ai të frikësohet dhe most ë flasë m për kryebashkiakun.

 

“Kryetari i Bashkisë Tiranë Erion Veliaj, nuk u paraqit as sot në gjykatë (për të katërtën herë radhazi), ku më ka paditur për shpifje, por gjykata vendosi që seanca do nisë në themel, me datë 11 dhjetor, ora 14:00.

Kur u pyeta nga gjykatësja deklarova se unë dua që çështja të mos pushohet, por të vazhdojë sepse jam i bindur në pafajsinë time dhe për këtë dua vendim gjykate, sepse e di që Kryetari i Bashkisë Tiranë do vazhdojë me këtë strategji. Nuk tërheq asnjë deklaratë dhe do vërtetoj të kundërtën e çdo pretendimi për shpifje nga pala akuzuese.

Jam i bindur që kjo është një “padi strategjike” (SLAP), me qëllim që zoti Veliaj të më mbajë lidhur, që unë të intimidohem dhe të friksohem, e kësisoj të mos flas më për të. Ka mbi 15 vjet që jam në betejë me modelin politik dhe publik që ai përfaqëson dhe do e vazhdoj këtë luftë! Si gazetar, aktivist dhe politikan, jam e kundërta e tij.

Unë e di hallin që ka ai, por nuk e ndihmoj dot. Fakti është se ai është qeli, ndërsa unë njeri i lirë”, shkruan Kalaja.





Lajmet e fundit nga