web counter
LEXO PA REKLAMA!

SHKARKO APP

App Store
Google Play

E fundit!

x

E vërteta e zgjedhjes së kryepeshkopit Janullatos/ At Grigor Pelushi reagon pas deklaratës së historianit Pëllumb Xhufi

22 Shtator 2023, 19:48, Aktualitet CNA
E vërteta e zgjedhjes së kryepeshkopit Janullatos/ At Grigor Pelushi
Historiani, Pëllumb Xhufi

At Grigor Pelushi ka reaguar lidhur me një deklaratë të bërë nga historiani, Pëllumb Xhufi gjatë një intervistë të dhënë nga ky i fundit.

Xhufi është shprehur se në datë 2 gusht 1992, u bënë zgjedhjet në Kishën Autoqefale në kundërshtim me kanunet e kishës, në kundërshtim edhe me procedurën.

Gjithashtu historiani thotë se kryepeshkopi Janullatos ka kërkuar të ikë nga Kisha Autoqefale por nuk e lënë grekët.

At Grigor Pelushi kërkon që Xhufi të ketë respekt, sepse Kisha që është një institucion 2000 vjeçar, funksionon sipas Kanoneve dhe rregullave të saj.

Sipas tij statusi i Peshkopit apo i Kryepiskopit në Kishën Orthodhokse është i përjetshëm.

“Do të ishte mirë që të mos vazhdohej pareshtur të hidheshin shashka me të pavërteta se si duhet të funksionojë dhe se si është rregulli brenda Kishës”, thotë At Grigor Pelushi.

Deklarata e plotë:

Përgjigje ndaj pretendimeve të historianit Pr. Pëllumb Xhufit mbi zgjedhjen dhe mandatin e Kryepiskopit Anastas në emisionin "Shqip" të datës 21 Shtator 2023 në Dritare TV me moderator z. Dritan Hila

I drejtohemi Pr. Pëllumb Xhufit, që nuk është hera e parë që tregon

se si ne duhet të veprojmë, se si ne duhet të jemi të organizuar, se si duhet të funksionojë Kisha, sepse nuk është detyra e tij.

Pr. Xhufi duhet të ketë respekt, sepse Kisha që është një institucion 2000 vjeçar, funksionon sipas Kanoneve dhe rregullave të saj. Nuk mund të ndërhyhet më dhe të tregohet si duhet të drejtohet Kisha. Ajo ka Sinodin e saj, organi më i lartë drejtues, që drejton dhe vepron një Kishë lokale sipas kanoneve kishtare.

Dhe më e rëndësishmja që përcakton afatet apo vitet se sa duhet të qendrojë një Peshkop, në rastin konkret, Fortlumturia e Tij, Pr. Dr. Anastasi, e bëjmë me dije z. Pëllumb Xhufi që, statusi i Peshkopit apo i Kryepiskopit në Kishën Orthodhokse është i përjetshëm. Nëse z.Xhufi i duhet kjo për informacion jemi të gatshëm tja japim edhe për kulturë.

Do të ishte mirë që të mos vazhdohej pareshtur të hidheshin shashka me të pavërteta se si duhet të funksionojë dhe se si është rregulli brenda Kishës. Kisha është familja jonë dhe ne e dimë se si ajo funksionon. Këto të pavërteta të thëna opinionit në një Media vizuale nga ana e z. Xhufi nuk ndihmojnë as komunitetin Orthodhoks vendas dhe në rastin konkret Kishën Orthodhokse Autoqefale të Shqipërisë, as shoqërinë shqiptare që është e tejngopur me gënjeshtra dhe akuza të pavërteta, kur kemi kohë të bashkëpunojmë dhe të ecim përpara me frymën e dashurisë.

At Grigor Pelushi





Lajmet e fundit nga