web counter
LEXO PA REKLAMA!

SHKARKO APP

App Store
Google Play

E fundit!

x

“Dita e Flamurit na gjen gjithnjë e më të paktë”/ Belind Këlliçi, “i trishtuar” në 110-vjetorin e Pavarësisë

28 Nëntor 2022, 10:58, Aktualitet CNA

“Dita e Flamurit na gjen gjithnjë e më të

Deputeti i PD-së, Belind Këlliçi, ka postuar në "Facebook" urimin e tij për festën e flamurit me rastin e 110-vjetorit të Pavarësisë.

Këlliçi është shpehur "i trishtuar" që edhe një shekull më pas në Shqipëri po ndodh e njëjta ikje masive e të rinjve dhe dita e flamurit e gjen Shqipërinë gjithnjë e me më pak shqiptarë.

"Pleqtë, të korruptuarit, fëmijët, të varfërit që s'kanë mundësi të ikin, ngelën në shtëpi, ku loja e dyfishtë hedh një tjetër litar në qafat e tyre të bindura", shkruan James Joyce mbi shpopullimin e Irlandës nën sundimin britanik asokohe.

Po pse, më tepër se një shekull më pas, sot në dekadën e dytë të mijëvjeçarit të ri, e njëjta gjë po ndodh në Shqipëri? Shpopullim, ikje masive. Dita e Flamurit na gjen gjithnjë e më të paktë, dhe kjo është e trishtë.

Demokratët dhe qytetarët kurajozë duhet të kthejnë shpresën. Ne duhet të largojmë të korruptuarit, e ta bëjmë Shqipërinë një vend ku jetohet mirë e ku njerëzit t'i kenë të gjitha mundësitë të ndjekin endrrat e të ndërtojnë të ardhmen e tyre.

Kjo ditë e Flamurit duhet të na shërbejë për reflektim.

Me energji e me dashuri, ne kemi në dorë ta nxjerrim atdheun nga kriza, tja heqim nga duart qeveritarëve e zdromsave që e trajtojnë si plaçkë.

Jam i bindur që kjo do të ndodhë, dhe Tirana do t'i prijë ndryshimit.

Jam i bindur që 28 nëntorin tjetër, do të jemi më të shumtë, më të lirë, më të vendosur për ta bërë Shqipërinë një vend europian, më afër aspiratës që patën paraardhësit tanë e dëshmorët e kombit, të cilët sakrifikuan jetën për këtë projekt.

Gëzuar Ditën e Pavarësisë!’’, u shpreh Këlliçi./CNA.al





Lajmet e fundit nga