web counter
LEXO PA REKLAMA!

SHKARKO APP

App Store
Google Play

E fundit!

x

Biznesmeni libanez, i zhgënjyer nga organet e drejtësisë: Pse nuk u arrestua në 2016 ‘Rrumi i Shijakut’?

27 Nëntor 2022, 22:13, Aktualitet CNA

Biznesmeni libanez, i zhgënjyer nga organet e drejtësisë: Pse nuk

Fadi Mitri, biznesmeni libanez, i cili u dhunua në 2016, ka deklaruar se është i zhgënjyer nga organet e drejtësisë shqiptare.

Pas shpalljes në kërkim të Aleksandër Lahos (Rrumi i Shijakut) nga Prokuroria e Posaçme pak ditë më parë, emisioni “Review” ka kontaktuar biznesmenin libanez Fadi Mitri, për të mësuar se si ishte zgjidhur çështja e tij, por biznesmeni deklaroi se pavarësisht se në atë kohë vendosi në dispozicion të gjithë dokumentacionin e nevojshëm ku pretendon se ka dorëzuar fakte të pakundërshtueshme për dhunuesit, drejtësia nuk ka bërë asgjë për të arrestuar fajtorët.

Ai deklaroi se ishte i bindur që pas dhunës së ushtruar ndaj tij në datën 10 shtator të vitit 2016, qëndronte Aleksandër Laho me pseudonimin “Rrumi” i Shijakut, pasi gjatë dhunimit por edhe në raste të tjera, ai ja kishte thënë qartë që “duhej të largohej menjëherë nga prona e tij”.

Prokuroria e liroi nga akuzat ‘Rrumin e Shijakut’ me arsyetimin se nuk kishte fakte. Sot biznesmeni libanez Fadi Mitrim ende vuan pasojat shëndetësore nga dhuna e ushtruar.

“Omnix Albania”, kompania e Mitrit do të investonte 280 milionë euro tek Gjiri i Lalzit. Por pas dhunimit fizik që iu bë presidentit të ‘Omnix’ Fadi Mitri, kompania u tërhoq nga investimi në Shqipëri.

Por çfarë bëhet me kompaninë ‘OMNIX Albania sh.p.k’, të Fadi Mitrit?

Ne mars të vitit 2021 biznesmeni libanez, i ka shitur të gjithë aksionet që posedonte në kompaninë ‘OMNIX Albania sh.p.k’.

Në 18 korrik të vitit 2022, kjo kompani ka fituar statusin e “investitorit strategjik me procedurë të veçantë” për projektin e investimit “Resort Turistik me vendndodhje në gjirin e Lalzit”.





Lajmet e fundit nga