web counter
LEXO PA REKLAMA!

SHKARKO APP

App Store
Google Play

E fundit!

x

A do të vendoset fasha 800 kw në dhjetor?/ Situata hidrike e favorshme, KESH shet energji elektrike

27 Nëntor 2022, 16:30, Aktualitet CNA
A do të vendoset fasha 800 kw në dhjetor?/ Situata hidrike e
Foto Ilustruese

Pas reshjeve disa ditore në vend, situate hidrike është përmirësuar, duke lejuar kështu Korporatën Elektroenergjitike, që të shesë energji elektrike.

Bazuar në procedurën e zhvilluar energjia e prodhuar gjatë muajit nëntor është shitur për periudhën 26-29 nëntor, duke kapur një vlerë totale prej 2.7 milionë eurosh.

Gjithashtu duke parë çmimet e energjisë në tregjet ndërkombëtare, ka rezultuar se KESH e ka shitur energjinë në nivele thuajse të barabarta me atë të bursës.

Për shkak të temperaturave të ulëta energjia ka pësuar një rritje në bursë gjatë këtyre ditëve duke arritur vlerën mbi 400 euro në oraret e pikut të temperaturave të ulëta.

Korporata Elektroenergjitke ka shitur 10 mijë megavatorë energji, të ndara në dy lote. Çmimet variojnë nga 247.77 euro në 285.75 euro.

Situata hidrike ka favorizuar KESH-in, ku përmes 3 procedurave janë siguruar mbi 6 milionë euro.

Sakaq prurjet në kaskada vijojnë të jenë të larta, ku përllogariten rreth 900 m3 në sekondë.

Në Fierzë kuota është rreth 278 metra, afërsisht 11 metra më shumë se një javë më parë.

Këta tregues janë mjaft të favorshëm edhe për vetë qytetarët, duke marrë parasysh që prej kohësh po përflitet për krizë energjitike dhe për shtrenjtim të energjisë për fashën 800 kw.

Sipas vendimit të Entit Rregullator të Energjisë  fasha prej 800 kwh do të jetë në fuqi për muajin dhjetor, por me shumë mundësi pritet që qeveria ta anulojë edhe për këtë muaj, duke qënë se kryeministri Edi Rama vazhdimisht ka cilësuar se do të bëhet çdo përpjekje që kjo fashë të mos vendoset./CNA.al





Lajmet e fundit nga