web counter
LEXO PA REKLAMA!

SHKARKO APP

App Store
Google Play

Nga Artan Fuga/ Po sikur Serbia dhe Mali i Zi të mbledhin Kuvendet?

27 Nëntor 2022, 16:55, Aktualitet CNA

Nga Artan Fuga/ Po sikur Serbia dhe Mali i Zi të mbledhin Kuvendet?

Akademiku Artan Fuga ka reaguar për mbledhjen e përbashkët të Kuvendit të Shqipërisë dhe të Kosovës.

Përmes një statusi në Facebook, Fuga ngre disa pikëpyetje, ku shprehet në thelb “Se për çfarë shërbeu kjo mbledhje?”

Sipas tij, kjo mbledhje nuk pati ndonjë mesazh politik.

Statusi i plotë:

Që ç'a?

Mbledhje e përbashkët mes Kuvendit të Shqipërisë dhe atij të Kosovës me rastin e festës 28 nëntorit?!

Cili është mesazhi që ky lloj eventi na jep neve qytetarëve dhe botës mbarë?

Nuk e kuptoj shumë mirë. Mbase nuk jam i zoti!

Që ç'a? Që jemi një si shtete? Por, kjo nuk është fare e vërtetë! Madje dëgjova një politikane shumë të lartë në Kosovë që deklaroi para nja një jave se ne do të bashkohemi Kosovë - Shqipëri në Bashkimin Evropian!!!

Po ashtu ne do të bashkohemi edhe me Serbinë!!! Ore, kuptojnë se çfarë thonë apo jo? Apo fol qesim!

Që ç'a? Që të festojmë festën e përbashkët, 28 nëntorin? Dakord mo dakord, hajde ja marrim valles, por ajo është dita e pavarësisë të Shqipërisë, jo e Kosovës! Fatkeqësisht, por e vërtetë!

Që ç'a? Që ne si shqiptarë të Kosovës dhe Shqipërisë duam bashkim, por bota nuk na le? Ouuu, po kujt i vlen ky mesazh? Na ndihmon apo në dëmton në strategjinë tonë si shqiptarë?

Që ç'a? Që ne si shqiptarë jemi bashkë? Ore, ne një komb jemi por si shtete jemi të ndarë! Mos na ngopni me iluzione boshe!

Që ç'a? Që Kuvendi i Kosovës përfaqëson shqiptarët e Kosovës? Por kjo është e vërtetë vetëm pjesërisht, sepse atje ky Kuvend përfaqëson edhe Serbët, Turqit, Romët, etj.

Do të shkojnë deputetët e Kosovës të bëjnë mbledhje të përbashkët me parlamentet turk, serb, etj. pra sikurse bënë me të Shqipërisë???

Që ç'a? Tregojmë forcën si shqiptarë kombeve të tjera të Ballkanit? Po sikur parlamenti serb të bënte mbledhje të përbashkët me parlamentin e Malit të Zi, të Serbisë, si do të na vinte ne? Nuk do bërtisnim se Serbia por na kërcënon?

Që ç'a që është vizitë e përfaqësueve parlamentarë të shqiptarëve të Kosovës? Po atëhere përse nuk ftuam edhe deputetët shqiptarë të Maqedonisë të Veriut?

Ore qoka bëjmë sa të duam, puna është se cili është mesazhi politik?/CNA.al

Nga Artan Fuga/ Po sikur Serbia dhe Mali i Zi të mbledhin Kuvendet?





Lajmet e fundit nga