web counter
LEXO PA REKLAMA!

SHKARKO APP

App Store
Google Play

Pavarësia “zgjon” herët politikën/ Ritualin e nis Meta, nga pas e ndjek Basha

28 Nëntor 2022, 08:42, Aktualitet CNA

Pavarësia “zgjon” herët politikën/ Ritualin e nis

Politikanët kanë nisur që në mëngjes herët urimet për 110-vjetorin e Pavarësisë. I pari ka qenë kreu i PL-së, Ilir Meta, i cili me anë të një postimi në rrjete sociale, shkruan se patriotizmi dhe sakrificat për flamurin kombëtar duhet të jenë pishtar për mbrojtjen e Shqipërisë nga rreziqet e reja.

“Sot në Ditën e Flamurit Kombëtar, përulemi me nderim para veprës së ndritur të Ismail Qemalit dhe Etërve të Pavarësisë, që 110 vjet më parë themeluan shtetin modern duke patur për ideal të shenjtë vetëm Atdheun dhe fatet e Tij. Patriotizmi, sakrificat dhe gjaku i derdhur për Flamurin Kombëtar duhen të jenë në çdo kohë pishtari që na ndriçon mendjet dhe udhën e duhur ku duhet të ecim për të mbrojtur Shqipërinë nga çdo rrezik i ri dhe për ta bërë këtë tokë të bekuar sa më të begatë, ku sot e mot të gjithë shqiptarët dhe fëmijët e tyre të jetojnë me dinjitet dhe krenari. Lavdi përjetë 28 Nëntorit të Gjergj Kastriot Skënderbeut, Ismail Qemalit, Isa Boletinit dhe Adem Jasharit!”-shkruan Meta.

Edhe Lulzim Basha është zgjuar herët sot në mëngjes, duke uruar 28 nëntorin.

“Gëzuar 28 Nëntorin, ditën e madhe që na bashkon plot krenari dhe mirënjohje të thellë për veprën e pavdekshme të heronjve dhe dëshmorëve të Kombit.

Sakrifica e tyre në altarin e lirisë kombëtare, mban ndezur në zemrën e çdo shqiptari flakën e besimit tek e nesërmja.

Zoti e bekoftë Shqipërinë dhe shqiptarët kudo ku janë”, shkruan Basha në rrjete sociale./CNA.al





Lajmet e fundit nga