web counter
LEXO PA REKLAMA!

SHKARKO APP

App Store
Google Play

E fundit!

x

Me foton e Luiza Gegës, Niko Peleshi uron 110-vjetorin e pavarësisë

28 Nëntor 2022, 09:26, Aktualitet CNA

Me foton e Luiza Gegës, Niko Peleshi uron 110-vjetorin e

Urimet për ditën e Pavarësisë së Shqipërisë kanë nisur herët ditën e sotme.

Ministri i Mbrojtjes, Niko Peleshi, nëpërmjet një postimi në "Facebook" ku shfaqet kampionia e vrapit, Luiza Gega, është shprehur se forca e këtij flamuri e bëri Luiza Gegën të vraponte më shpejt e të dilte e para në Europë.

"Me këtë Flamur, sot në NATO e nesër në BE, ne do të prezantojmë Shqipërinë moderne", është shprehur ndër të tjera Peleshi.

"Dita e flamurit këtë vit ka më shumë emocion, më shumë vlerë.

Ky 110 vjetor i pavarësisë na përbashkon më fort.
Liria dhe paqja për ne shqiptarët dhe për mbarë njerëzimin, është bërë më e shtrenjtë.

Agresioni rus ka tronditur rendin ndërkombëtar të bazuar në rregullat duke e sjellë sigurinë në qendër të vëmendjes shoqërore.

Simboli i vetëdijes kombëtare është Flamuri kombëtar. Ai është ylli orientues i shqiptarëve në Shqipëri, Kosovë e kudo ku jetojnë me dinjitet e identitet kombëtar.

Me këtë Flamur, sot në NATO e nesër në BE, ne do të prezantojmë Shqipërinë moderne.

Ky flamur do të ngrihet në çdo arritje ndërkombëtare, në kulturë, art, sport, shkencë e teknologji.

Forca e këtij Flamuri e bëri Luiza Gegën të vraponte më shpejt e të dilte e para në Europë e duhet të na bëjë edhe ne të kapërcejmë mbi kohën e të dalim në krye.

Gëzuar Ditën e Pavarësisë, Ditën e Flamurit tonë kuqezi", shkruan Peleshi./CNA.al





Lajmet e fundit nga