web counter
LEXO PA REKLAMA!

SHKARKO APP

App Store
Google Play

E fundit!

x

Dita e 29-të/ Erion Veliaj dhe Mero Baze vijojnë turpësisht të mashtrojnë shqiptarët

15 Shtator 2025, 14:43, Aktualitet CNA

Dita e 29-të/ Erion Veliaj dhe Mero Baze vijojnë turpësisht

29 ditë mashtrim publik nga Erion Veliaj dhe Mero Baze.

Erion Veliaj dhe roja i tij Mero Baze vazhdojnë të mashtrojnë publikisht shqiptarët pasi ende nuk e kanë publikuar dokumentin me firmën e Ols Dados pas pretendimeve se ka kërkuar shtesë mbi lejen e ndërtimit dhe as refuzimin me firmën e kryebashkiakut për këtë leje.

(Kërkesa nuk ekziston, njësoj si inceneratori i Tiranës).

Ashtu siç e kemi theksuar më herët, ne do të vazhdojmë të kërkojmë publikimin e atij dokumenti.

Veliaj dhe Baze janë “kapur të gjallë” në mashtrim, duke mos publikuar dokumentin me firmën e Ols Dados dhe refuzimin me firmën e Erion Veliajt.

Kujtojmë se prej arrestimit të Veliajt, ka nisur dhe fushata kundër drejtësisë, me sulme ndaj prokurorëve që hetuan dhe provuan veprat e rënda të kryera nga kryebashkiaku, i cili ashtu siç ka dalë nga përgjimet e publikuara nga CNA, dirigjonte mediat në sulmet ndaj drejtësisë.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Dita e 29-të/ Erion Veliaj dhe Mero Baze vijojnë turpësisht

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Dita e 29-të/ Erion Veliaj dhe Mero Baze vijojnë turpësisht

Pse Erion Veliaj nuk e nxjerr dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Nëse është kështu, pse nuk e vërteton Mero Baze? Ku e ka dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Erion Veliaj dhe Mero Baze vijojnë mashtrimin publik ndaj shqiptarëve, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e vetme mediatike të tij./ CNA

 





Lajmet e fundit nga