web counter
LEXO PA REKLAMA!

SHKARKO APP

App Store
Google Play

E fundit!

x

Shkrumbohen 4 banesa në Shkodër/ Rrugica e ngushtë vështirësoi ndërhyrjen

15 Shtator 2025, 09:20, Aktualitet CNA

Shkrumbohen 4 banesa në Shkodër/ Rrugica e ngushtë

Një zjarr i përmasave të mëdha ka përfshirë rreth mesnatës lagjen Dudas në Shkodër, duke shkaktuar dëme të konsiderueshme në 4 banesa.

Në vendngjarje mbërritën menjëherë 5 mjete zjarrfikëse, me efektivët që punuan për disa orë intensivisht për të vënë nën kontroll flakët dhe për të shmangur përhapjen e tyre në banesat përreth.

 

Ndërhyrja e parë erdhi nga një qytetar i ndodhur aty në momentin e rënies së zjarrit.

 

"Ndërhyra në fillim, vura një peshqir me ujë në kokë edhe hyra kapa bombolën. Qëllova te lokali dhe i mora telefonin policisë me elektrik, hyra kapa bombolën", tha qytetari.

 

Shkrumbohen 4 banesa në Shkodër/ Rrugica e ngushtë

Për efektivët ndërhyrja ishte e vështirë për shkak edhe të rrugicës së ngushtë dhe parkimeve të gabuara.

"Vërtet ishte e vështirë të hyje me mjete. Sa gjetëm rrugicën dhe zjarri ishte i përhapur deri në rrugë. Kemi vepruar me shpejtësi kemi ndërprerë energjinë derisa kemi lokalizuar flakët. Janë disa shtëpi ngjitur, ndaj bëmë maksimumin. Dëme në njerëz fatmirësisht nuk ka", tha shefi i Repartit Zjarrfikës, Agim Ponari.

 

"Ishte e vështirë ndërhyrja, por falë gatishmërisë së forcave zjarrfikëse u bë e mundur që shpejt të bëhet lokalizimi i ndërtesës së përfshirë nga flakët. Kemi ndërhyrë me 6 mjete zjarrfikëse dhe 15 efektivë. Vazhdojnë të jenë problem rrugicat e ngushta dhe parkimi i automjeteve duke penguar punën tonë", tha shefi i Ndërhyrjes Operacionale, Bashkim Ramaj.

Shkrumbohen 4 banesa në Shkodër/ Rrugica e ngushtë

Policia ka rrethuar zonën dhe ka bërë evakuimin e banorëve, ndërkohë që deri më tani nuk raportohet për persona të lënduar, por vetëm për dëme materiale.

Shpërthimi i zjarrit, sipas policisë, është shkaktuar nga një shkëndijë elektrike./CNA

 





Lajmet e fundit nga