Dita e 21-të/ Erion Veliaj dhe Mero Baze vijojnë paturpësisht mashtrimin publik

7 Shtator 2025, 14:23, Aktualitet CNA

Erion Veliaj dhe Mero Baze vijojnë me mashtrimin e tyre publik.

Sot jemi në ditën e 21-të dhe as Erion Veliaj e as Mero Baze nuk e kanë publikuar dokumentin me firmën e Ols Dados dhe refuzimin me firmën e kryebashkiakut në lidhje me pretendimet për një shtesë mbi lejen e ndërtimit, që sipas tyre nxjerr në konflikt interesi prokurorin, që, po sipas tyre, i ka kryer hetimet për “hakmarrje”.

Veliaj dhe mbetja mediatike Mero Baze janë kthyer në mashtrues publikë të kapur të gjallë.

Pretendimet që kanë bërë ndaj Dados janë thjesht dhe vetëm mashtrime publike të bëra në mënyrë të vazhdueshme për të goditur drejtësinë.

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Dita e 21-të/ Erion Veliaj dhe Mero Baze vijojnë paturpësisht

Nëse është kështu, pse nuk e vërteton Mero Baze? Ku e ka dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Dita e 21-të/ Erion Veliaj dhe Mero Baze vijojnë paturpësisht

Pse Erion Veliaj nuk e nxjerr dokumentin me firmën e Ols Dados dhe refuzimin me firmën e tij?

Kanë kaluar plot 21 ditë dhe Erion Veliaj e Mero Baze vijojnë mashtrimin publik ndaj shqiptarëve, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza./CNA