web counter
LEXO PA REKLAMA!

SHKARKO APP

App Store
Google Play

Dhuna ndaj Sokol Mëngjesit/ Tonin Vocaj jep detaje për personat në kërkim

12 Korrik 2024, 14:24, Aktualitet CNA
Dhuna ndaj Sokol Mëngjesit/ Tonin Vocaj jep detaje për personat
Sokol Mëngjesi

Tre prej agresorëve të avokatit Sokol Mëngjesi ndodhen ende në arrati. Drejtori i Policisë së Tiranës, Tonin Vocaj, në një konferencë për mediat ka dhënë detaje se si po shkojnë hetimet në lidhje me këtë ngjarje të rëndë. 

Vocaj thotë se kërkimet janë shtrirë tashmë në të gjithë Shqipërinë për vënien e tyre para përgjegjësisë.

“Ne, siç kemi njoftuar, Policia e Tiranës për ngjarjen e mëngjesit ka kryer veprime të shpejta hetimore dhe ka bërë të mundur arrestimin e dy autorëve kryesorë. Vazhdojnë kërkimet për kapjen e personave të tjerë, kërkimet tona kanë qenë në Tiranë, kërkimet janë shtrirë në gjithë Shqipërinë dhe shpresojmë se do kemi rezultate konkrete të shpejta që të çojnë në arrestimin dhe vënien para përgjegjësisë edhe të këtyre individëve”, tha Vocaj për gazetarët.

Në kërkim janë Drivaldo Alia, Elton Kasaj dhe Romario Tabaku, për të cilët është caktuar masa ‘arrest me burg’ në mungesë.

Avokati u dhunua mëngjesin e 29 majit, sapo la djalin në kopsht në zonën e ish-bllokut. Dorian Alia, 32 vjeç, i cili u vetëdorëzua, ka pranuar se porositës i sulmit është Dritan Nano. I riu ka pranuar se dhuna ka ardhur si paralajmërim për avokatin. 

58-vjeçari Nano nuk pranonte të likuidonte avokatin sipas kontratës që kishin firmosur, pasi Mëngjesi fitoi gjyqin për pronën e një familjeje me 8 trashëgimtarë te kullat te Liqeni i Tiranës./CNA 

 





Lajmet e fundit nga