web counter
LEXO PA REKLAMA!

SHKARKO APP

App Store
Google Play

E fundit!

x

'U zgjua nga ëndrra e keqe'/ Mesazhi i motrës së Sokol Mëngjesit: Zoti do e ngrejë në këmbë!

15 Qershor 2024, 09:56, Aktualitet CNA
'U zgjua nga ëndrra e keqe'/ Mesazhi i motrës së Sokol
Sokol Mëngjesi, foto e marrë nga LSA

Motra e avokatit të njohur, Sokol Mëngjesi, i cili u dhunua më 29 maj ka reaguar në rrjetet sociale për gjithë periudhën e vështirë që po kalojnë. 

Ida Mëngjesi ka falenderuar të gjithë ata që i mbështetën dhe i qëndruan pranë.

Ajo shprehet se vëllai i saj është zgjuar nga ëndra e keqe dhe se Zoti do të ngrejë sërish në këmbë. 

"Në emrin e vellait tim të shtrenjtë. Në emër të prindërve të mi heronj. Në emër të Anxhelës së dashur dhe engjëjve tanë të bekuar, dhe me gjithë qenien time do doja t’ju falenderoja nga zemra çdo njërin prej jush, të njohur e të panjour që e mbuluat Sokolin me një mburojë te papërshkruar dashurie njerëzore, derisa sytë e tij të zgjuar u zgjuan nga kjo ëndërr e keqe. Zoti ka mënyrat e tij për të na provuar egzistencën e gjithëfuqishme, nëpermjet mrekullive që ben herë pas here me njerezit dhe ai do e ngrejë Sokolin në këmbë ! Në këto ditë të kobshme që kane zgjatur si muaj kemi mësuar se asgje nuk vlen sa fuqia e mbinatyrshme e dashurisë njerëzore që u derdh mbi të dhe mbi ne në një menyre të papërshkruar me fjalë!
Drita e qirinjve të ndezur në të katër anët e botës, drita e çdo lutjeje të pëshpëritur nga buzet e dridhura dhe drita e mirësisë qoftë me ju çdo çast dhe mbretëroftë e mira në jeten dhe në shpirtin tuaj! E mira nuk humbet!", shprehet ajo. 

Mëngjesi u dhunua barbarisht në fund të muajit Maj në zonën e ish-Bllokut në Tiranë, sapo la djalin në kopsht. 

Për dhunën ndaj avokatit Mëngjesi deri tani është vënë në pranga Dritan Nano, si organizator i sulmit, dhe dhëndri i tij Dorian Alia, një nga agresorët. 

Gjykata e Tiranës më 1 qershor caktoi masën ‘arrest me burg’ ndaj tyre, për veprën penale ‘plagosje e rëndë me dashje kryer në bashkëpunim dhe kundërshtim dhe goditja e gjyqtarit, kryer në bashkëpunim.’ 

Ndërkohë janë në kërkim, Drivaldo Alia, Elton Kasaj dhe Romario Tabaku, gjykata caktoi masa ‘arrest me burg’ në mungesë./CNA 





Lajmet e fundit nga