web counter
LEXO PA REKLAMA!

SHKARKO APP

App Store
Google Play

E fundit!

x

Festë në Pogradec/ Çelet nesër sezoni turistik

14 Qershor 2024, 13:42, Aktualitet CNA
Festë në Pogradec/ Çelet nesër sezoni turistik
Foto arkiv, festë në Pogradec

Të shtunën e 15 qershorit do të çelet sezoni turistik në Pogradec.

Me këtë rast, Bashkia e Pogradecit ka organizuar dhjetëra aktivitete që do të ndiqen nga qytetarët dhe turistët.

Aktivitetet e çeljes së sezonit veror do të nisin me bandën frymore, e cila do të parakalojë në rrugët kryesore të qytetit, në orën 09:00.

Në orën 10:30 do të bëhet hapja dhe pritja e të ftuarve tek sheshi i Trëndafila, ku do të performojnë Kori i Fëmijëve "Enkelana" dhe Grupi Artistik "Nostalgjia".

Gjithashtu, do të zhvillohen aktivitete sportive si street basket, tenis, volejboll në plazh, futboll në rërë, handball në rërë, kung fu, badminton, kanoe dhe stand up paddle.

Të gjitha aktivitetet fillojnë në 11:15, ndërsa pasdite te sheshi i Trëndafilave do të mbahet një koncert në 19:30.

Qytetarët do të shijojnë muzikën në piano të Magi Garcias dhe Sindi Zdravës dhe në saxophone të Hugo Lombës.

Gjithashtu do të performojnë balerinët Johan & Carme, tenori Neron Kacerja, kuarteti i Harqeve dhe ansambli i vajzave të UA Tiranë.

Do të interpretohen pjesë nga La Traviata Verdi, Puchini, Donizzeti. Feim Ibrahimi, këngë qytetare pogradecare, etj.

Mos e humbisni festën në Pogradec!/ CNA





Lajmet e fundit nga