web counter
LEXO PA REKLAMA!

SHKARKO APP

App Store
Google Play

E fundit!

x

Berisha paralajmëron Ramën/ “E ke mbyllur ciklin, prano me urgjencë qeveri teknike”

11 Korrik 2024, 22:18, Aktualitet CNA
Berisha paralajmëron Ramën/ “E ke mbyllur ciklin, prano me
Kreu i PD-së Sali Berisha

Kreu i PD-së Sali Berisha ka paralajmëruar kryeministrin Edi Rama gjatë protestës para Kryeministrisë.

Berisha i është drejtuar duke i thënë se cikli i tij është mbyllur deh se duhet të pranojë me urgjencë qeverinë teknike.

Kreu i PD-së paralajmëroi Ramën të mos e drejtojë  Shqipërinë drejt abisit, greminës.

“Zonja dhe zotërinj, Edi Rama e ka mbyllur ciklin e tij. Vetëm një i çmendur mund ta imagjinojë se Edi Rama do qeverisë 4 vite të tjera.

Prandaj, sot në emër të Partisë Demokratike, në emër të frontit të gjerë opozitar, në emër të çdo shqiptari që ka mbi trup edhe shpirt plagët e Rilindjes dhe në emër të flamurit kuq e zi, unë sot i jap këtë paralajmërim Edi Ramës:

Prano qeverinë teknike, si kushti i të gjitha kushteve për zgjedhje të barabarta, dhe të shkojmë në zgjedhje të përgjithshme.

Qeveria teknike është zgjidhja më e thjeshtë për ty.

Ke bërë gjenocid ndaj shqiptarëve Edi Rama.

Nëse vetë ndërgjegjja jote, do zgjohej një çast për të kuptuar çfarë i ke bërë Shqipërisë, ajo do ulërinte.

E përsëris Edi Rama, në emër të shqiptarëve, mos e drejto Shqipërinë drejt abisit, greminës.

Prano qeveri teknike. Me urgjencë”, tha Berisha./ CNA





Lajmet e fundit nga