web counter
LEXO PA REKLAMA!

SHKARKO APP

App Store
Google Play

E fundit!

x

Sot, protesta para Kryeministrisë/ Muçollari: Do shkundë themelet e kësaj shoqërie

11 Korrik 2024, 18:17, Aktualitet CNA
Sot, protesta para Kryeministrisë/ Muçollari: Do shkundë
Grigles Muçollari

Anëtari i kryesisë së PD-së, Grigels Muçollari ka folur për protestën që do të zhvillohet sonte në orën 20:00 para Kryeministrisë.

Muçollari tha se protesta e sotme do të jetë një uragan që do të shkundë themelet e shoqërisë.

Sipas tij, sot është e nevojshme që protesta të jetë institucioni më i fortë dhe i fuqishëm në Shqipëri.  

“Sot qytetarët na kanë dhënë një mbështetje të madhe.Unë kam besimin se do të jetë protesta më e madhe e realizuar ndonjëherë në historinë e Shqipërisë dhe jo vetëm të pluralizmit.

Ka qenë përgjegjësi e opozitës, për t’i bërë njerëzit të besojnë se opozita po bën opozitë.  Ne kemi pasur shumë probleme në këto 12 vite opozitë. Ne dëshmuam se, dhe e vetme, pa vulë, pa fonde, pa komisionerë, me liderin e opozitës në izolim politik, pa fakte, prova dhe asnjë akuzë, ja doli të tregojë se opozita është fryma e këtij vendi.

Në këtë aspekt ne nuk mund të presim që gjithçka të ndryshojë brenda një dite.Protesta e sotme në opinionin tim do të jetë një uragan që do të shkundë themelet e kësaj shoqërie. Do të ndryshojë raportin e pushtet ushtruesit me qytetarin.

Në konceptin tim, në një demokraci kaq tranzite sa është Shqipëria, protesta duhet të jetë një institucion më vete. Dhe sot ka nevojë që protesta të jetë institucioni më i fortë dhe më i fuqishëm në Shqipëri.

E vetmja formë për të ja dalë është nëpërmjet përballjes dhe protestës dhe përqafimit të kauzave të qytetarëve.

Protesta është kombëtare. Patjetër që do të vijnë dhe qytetarë nga rrethet, kështu që Tirana do të mbizotërojë protestën dhe Tirana do të flasë’, tha Grigels Muçollari./ CNA





Lajmet e fundit nga