web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Policia blindon Tiranën, 1100 efektivë në terren

11 Korrik 2024, 10:33, Aktualitet CNA
Protesta e opozitës/ Policia blindon Tiranën, 1100 efektivë
Foto nga protesta e mëparshme e opozitës

Sot në orën 20:00 pritet të zhvillohet para Kryeministrisë, protesta e opozitës, ku do të kërkohet largimi i kryeministrit Edi Rama, pas skandaleve dhe aferave korruptive. 

Mësohet se rreth 1100 forca policie do të jenë në terren. Ndërkohë në afërsi të Piramidës do të qëndrojnë forcat “Shqiponja” dhe “Forcat e Sigurisë Kombëtare”.

Policia njoftoi se do të bllokohen disa rrugë në kryeqytet që nga ora 18:00, deri në përfundim të tubimit.

Akset rrugore që do të bllokohen janë: bulevardi “Dëshmorët e Kombit”, sheshi “Nënë Tereza”, rruga “Ismail Qemali”, kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.

Policia e Tiranës bën thirrje për të gjithë pjesëmarrësit në tubim, që të distancohen nga çdo akt që cenon sigurinë dhe jetën e tyre, dhe çdo akt dhune ndaj punonjësve të policisë, përfaqësuesve të mediave apo vetë pjesëmarrësve.

Ndërkohë para Kryeministrisë ka nisur edhe puna për ndërtimin e podiumit, ku do të mbahen fjalime gjatë protestës./CNA 





Lajmet e fundit nga