web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria, buzë greminës”/ Berisha, thirrje shqiptarëve: Nesër jepni ndëshkimin tuaj regjimit

10 Korrik 2024, 20:24, Aktualitet CNA
“Shqipëria, buzë greminës”/ Berisha, thirrje
Kreu i PD-së Sali Berisha

Kreu i PD-së Sali Berisha u ka bërë thirrje të gjithë shqiptarëve që të bashkohen në protestën që do të zhvillohet nesër në orën 20:00 para kryeministrisë.

Në tubimin para banesës së tij, Berisha u kërkoi qytetarëve që të bashkohen kundër regjimit, që prej një dekade ka çuar Shqipërinë buzë greminës.

“Shqipëria ju pret në rrugëte dhe sheshet e Tiranës si shpëtimtar. Nesër ju vajza dhe djemtë e këtij vendi duhet t’i përgjigjeni thirrjes së saj.

Mos harroni se Shqipëria ju fton ju në një nga momentet më kritike të ekzistencës së saj.

Ju fton ju në një moment ku pas një dekade sundimi të Edi Ramës ajo ka ardhur buzë greminës. Ajo numëron çdo ditë më shumë të vdekur se të lindur. E merrni me mend sesa të çmuar jeni ju për vendin dhe kombin tuaj.

Ndaj dhe nesër të gjithë në ditën e besës së madhe të shqiptarëve për të shpëtuar Shqipërinë.

Thirrja ime e veçantë shkon për gjimnazistët. Merrni përsipër misionin tuaj. Mblidhuni nga të katër anët e Shqipërisë nesër në rrugët dhe sheshet e Tiranës sepse ndaj jush ky regjim armiqësor dëmtoi fuqinë tuaj mendore me korrupsionin në shkolla. Ju zbriti në nivelet më të ulta botërore të nivelit kreativ. Ministrat me paratë e arsimit ndërtonin vila.

Nesër është dita e ndëshkimit tuaj të këtij regjkimi armiqësor ndaj jush dhe ndaj shqiptarëve.

Në emër tuaj unë i bëj thirrje çdo prindi në këtë vend, nesër të dalë në shesh për kauzën e drejtë të tij.

Të dalë në shesh si ndëshkim ndaj regjimit që ka katandisur ju prindërit shqiptarë që të mos ushqeni dot fëmijët tuaj, që detyron fëmijët tuaj të marrin rrugët e dheut se nuk ofron asnjë alternativë dinjitoze për të ardhmen e tyre”, tha Berisha./ CNA





Lajmet e fundit nga