web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Olta Xhaçkës/ Vendimi i Gjykatës Kushtetuese

10 Korrik 2024, 13:37, Aktualitet CNA
Mandati i Olta Xhaçkës/ Vendimi i Gjykatës Kushtetuese
Olta Xhaçka

Kryetarja e Gjykatës Kushtetuese, Holta Zaçkaj, bëri sot publik vendimin në lidhje me mandatin e deputetes socialiste, Olta Xhaçka. 

Gjykata Kushtetuese rrëzoi kërkesën e Kuvendit për të dërguar në komisionin e Venecias mandatin e Xhaçkës.

Gjykata urdhëroi sot Kuvendin që të dërgojë menjëherë në Kushtetuese mocionin e deputetëve për mandatin e Xhaçkës.

"Gjykata Kushtetuese konstatoi se vendimi nuk është ekzekutuar nga Kuvendi. Vendimet e Gjykatës Kushtetuese duhet të zbatohen nga të gjitha institucionet. Deputetët duhet të votojnë, duke respektuar vendimin e gjykatës, të ekzekutohet vendimi i gjykatës. Kuvendi të sjellë në Kushtetuese mocionin për Xhaçkën", u shpreh ajo. 

Më 8 korrik, Kuvendi i dërgoi një shkresë Gjykatës Kushtetuese, ku kërkoi rihapjen e çështjes së mandatit të Olta Xhaçkës, ish-ministres së Jashtme dhe deputetes së PS-së.

Kuvendi kërkoi të merret opinioni i Komisionit të Venecias në lidhje me heqjen ose jo të mandatit të Xhaçkës.

Më 11 prill mazhoranca votoi në Kuvend kundër dërgimit të kësaj çështjeje për shqyrtim në Gjykatë Kushtetuese.

Xhaçka mbante detyrën e ministres së Jashtme në kohën kur Komiteti i Vendimeve Strategjike i drejtuar nga kryeministri Edi Rama miratoi statusin e “investitorit strategjik” për bashkëshortin e saj, Artan Gaçi, i cili po ndërton një hotel në Dhërmi. 

Në deklaratat e saj, ish-ministrja këmbëngul se nuk është në konflikt interesi dhe se nuk ka përfituar asnjë centimetër tokë shtetërore dhe asnjë lloj përfitimi tjetër publik. Sipas saj, i vetmi përfitim nga ky status lidhej me kompaninë që në një të ardhme do të menaxhojë aktivitetin për sipërfaqen e plazhit para hotelit./ CNA





Lajmet e fundit nga