web counter
LEXO PA REKLAMA!

SHKARKO APP

App Store
Google Play

E fundit!

x

SPAK sekuestroi “5D” e drejtorëve të Veliajt/ Teliti: Duhet të ishte vepruar qëkur u arrestuan

9 Korrik 2024, 16:59, Aktualitet CNA
SPAK sekuestroi “5D” e drejtorëve të Veliajt/ Teliti:
Dorian Teliti

SPAK-u ka sekuestruar kompaninë “5D” me pronarë de facto Mariglen Qaton dhe Redi Mollën.

Në lidhje me këtë zhvillim ka reaguar anëtari i Këshillit bashkiak të Tiranës Dorjan Teliti.

Sipas Telitit sekuestrimet duhet të ishin bërë para 8 muajve, duke e konsideruar të vonuar veprimin e SPAK-ut.

"Ne jemi sot në muajin Korrik, arrestimet kanë ndodhur që në vitin 2023 dhe u dashkan 7-8 muaj për të sekuestruar pronat e atyre që dihet tashmë është fakt i njohur dhe nga informacionet që kanë dalë në media, ish-drejtorët e bashkisë në bashkëpunim me njëri-tjetri kishin lidhur një strukturë të organizuar dhe nuk besoj se duheshin 8 muaj për t’i arrestuar.

Pra nuk duhej aq kohë për të nxjerrë urdhrin e sekuestrimit të çdo lloji prone e krijuar si pasojë e këtij aktiviteti kriminal.

Pra nuk po flas vetëm për pronat e trashëguara nga prindërit e tyre, nuk po flasim për prona të krijuara në të shkuarën e tyre por ama nga aktiviteti i tyre kur ishin në pozicione drejtuese në Bashkinë e Tiranës si drejtorë të cilët kanë pasur delegime përkatëse dhe në bashkëpunim me njëri-tjetrin kanë marrë iniciativën për të fituar me dhjetëra tendera mbi 30 milionë euro mbi kurrizin e taksapaguesve shqiptarë.

Këto sekuestrime duhet të ishin bërë në të njëjtën ditë e orë kur janë ndërmarrë arrestimet e tyre në fundin e nëntorit në datën 30/ të vitin 2023”, është shprehur Teliti./ CNA





Lajmet e fundit nga