web counter
LEXO PA REKLAMA!

SHKARKO APP

App Store
Google Play

E fundit!

x

Lehtësohet lëvizja në Qafë Morinë/ Balla: Pika të përbashkëta kontrolli, përfitojmë nga teknologjia

8 Korrik 2024, 20:17, Aktualitet CNA
Lehtësohet lëvizja në Qafë Morinë/ Balla: Pika të
Ministri i Brendshëm, Taulant Balla dhe homologu Xhelal Sveçla

Qytetarët e Shqipërisë dhe të Kosovës do të kalojnë me regjim të lehtësuar lëvizje në dy krahët e kufirit, përmes pikave kufitare që lidhin dy vendet, në zonën e Tropojës dhe Gjakovës.

Ministri i Brendshëm, Taulant Balla dhe homologu Xhelal Sveçla nënshkruan në Qafë Morinë protokollin për implementimin e kontrollit të përbashkët kufitar, në pikat e përbashkëta të kalimit kufitar Qafë Morinë, Qafë Prush, Shishtavec/Krushevë, Borje/Glloboçicë dhe Orgjost/Orçush.

Lehtësohet lëvizja në Qafë Morinë/ Balla: Pika të
Ministri i Brendshëm, Taulant Balla dhe homologu Xhelal Sveçla

“Lajmi i mirë është se eksperiencën e fituar nga Pika e Kalimit Kufitar të Morinës, po e shtrijmë në të gjitha Pikat e Kalimit Kufitar. Qytetarët e Tropojës do ta kenë shumë më të lehtë të kalojnë në Gjakovë, qytetarët e Hasit po ashtu, por dhe Kukësi dhe Dragashi, në mënyrë që të garantojmë që në të gjitha këto pika të kalimit kufitar të kemi jo vetëm një kontroll të përbashkët mes Policisë së Shtetit Shqiptar dhe mes Policisë së Shtetit të Kosovës, por gjithashtu edhe për të shkurtuar kohën. Siç jeni në dijeni për shtetasit e Shqipërisë edhe të Kosovës nuk ka më kontrolle sikurse e patë dhe e ndoqët.

Ne kemi përfituar nga mundësia që na jep teknologjia, që përmes sistemit të kamerave të regjistrojmë të gjitha targat për të pasur një evidencë të qartë. Ndërkohë që lajmi i mirë nuk është vetëm për ne, për qytetarët e Shqipërisë apo të Kosovës, sepse në këto pika të kalimit kufitar janë dhe të shumtë turistët që vijnë vizitojnë bukuritë e Malësisë së Gjakovës në të dy pjesët e saj, kështu që në këtë aspekt edhe për qytetarë të huaj, vizitorë që vijnë në Tropojë apo duan të shkojnë në Gjakovë ky lehtësim i kalimit të kufirit është një mundësi e mirë”, deklaroi Balla.

Lehtësohet lëvizja në Qafë Morinë/ Balla: Pika të
Ministri i Brendshëm, Taulant Balla dhe homologu Xhelal Sveçla

Sa i përket përmbajtjes teknike të protokollit, ai tha se teknologjia ndihmon dhe lehtëson procesin.

“Sikurse e evidentuam edhe përmes sistemit të kamerave dhe unë do t’ju ftoja ju që pas komunikimit me ne ta bëni një kalim të gjithë Protokollit, pra nëse një makinë me numrat, targa të Kosovës vjen për të hyrë nga Gjakova për të shkuar në Tropojë, thjesht dhe vetëm bënë një ulje të shpejtësisë dhe kalon ndërkohë që moduli i sistemit të kamerave bën filmimin, leximin e targës dhe targa e automjetit kalon, ngarkohet në sistem, kjo ndiqet për ta sqaruar, vetëm për automjete me numra, me targa të Shqipërisë dhe të Republikës së Kosovës. Për të tjerat vazhdon pjesa e kontrollit që kemi pasur dhe mos harroni asnjëherë që gjëja e rëndësishme në gjithë këtë proces është njehsimi, pra pikat e përbashkëta të kontrollit. Kjo është një arritje shumë e rëndësishme mes dy qeverive tona”, deklaroi ministri./ CNA





Lajmet e fundit nga