web counter
LEXO PA REKLAMA!

SHKARKO APP

App Store
Google Play

E fundit!

x

Kandidimi për kryetar bashkie në Himarë/ Tavo zbulon si e mori propozimin nga Rama

9 Korrik 2024, 15:36, Aktualitet CNA
Kandidimi për kryetar bashkie në Himarë/ Tavo zbulon si e mori
Prefekti i Vlorës, Vangjel Tavo

Prefekti i Vlorës, Vangjel Tavo, ka zbuluar se si e mori propozimin nga kryeministri Edi Rama për të kandiduar për Bashkinë e Himarës.

Gjatë një interviste me Ola Brukon, Tavo u shpreh se kur u përhap si lajm në media ende nuk e kishte diskutuar si mundësi për të kandiduar.

Tavo ka deklaruar se tani do të shpërngulet në Himarë për të qenë më pranë qytetarëve.

“Kur emri im qarkulloi në media si kandidat në Himarë ishte thashethem. Ka pak kohë që kryeministri më ka ftuar dhe e kemi diskutuar çështjen e kandidimit dhe nuk mund të them se ishte e papritur. Në fillim kur qarkulloi në media, ishte thashethem, ka pak kohë që e kemi diskutuar. Ndihem i nderuar që kandidoj për Bashkinë e Himarës. Kam përvojën time në politikë, në shërbim të njerëzve. Për mua është një përgjegjësi.

Përvoja ime e gjatë besoj se ka qenë arsyeja e mbështetjes nga Kryesia e PS. Ky profil imi politik kanë qenë çështjet që janë vlerësuar nga kryeministri dhe Kryesia e PS, me një përgjegjësi tjetër. Ndihem i nderuar t’i shërbej kësaj bashkie, këtij komuniteti, himarjotëve me histori të lavdishme që i bën ata krenarë për vendlindjen dhe origjinën e tyre. Herë pas here, duhet ta pranojmë, nga faktorë të ndryshëm kjo krenari dhe ky dinjitet i tyre me veprime të pavullnetshme, dua ta them këtu, ky dinjitet dhe kjo krenari e tyre është fyer. Emri himarjot është shpërdoruar, por himarjotët janë himarjotë dhe duhet të vlerësohen të tillë.

Do shpërngulem në Himarë dhe do jem vazhdimisht në kontakt me njerëzit, do jem çdo ditë. Edhe kur isha deputet i Gjirokastrës isha 4 ditë në Gjirokastër dhe tri ditë në Tiranë kur dihet që angazhimi si deputet është ndryshe. Si Prefekt i Vlorës, unë jam në Vlorë. Si kryetar bashkie do të jem çdo ditë në Himarë”, tha Tavo.

Më tej, Vangjel Tavo ka deklaruar se mirëpret çdo kandidat në garë.

“Çdo kandidat përballë meje është i mirëpritur. Por nuk do merrem me asnjërin prej tyre. Mua më shqetësojnë problemet që kanë qytetarët. Nuk do merrem me kandidatët e tjerë. Mos kërkoni nga unë të komentoj kandidatët rivalë. Slogani im është 'zgjidhje, jo krizë'. Nuk ka krizë, por zgjidhje të problemeve në Himarë, në këtë kuptim", u shpreh Vangjel Tavo./ CNA





Lajmet e fundit nga