web counter
LEXO PA REKLAMA!

SHKARKO APP

App Store
Google Play

E fundit!

x

Hetimet e SPAK-ut/ A i fsheh dot Veliaj pagesat për reklamimet në rrjetet sociale?

9 Korrik 2024, 13:35, Aktualitet CNA
Hetimet e SPAK-ut/ A i fsheh dot Veliaj pagesat për reklamimet në
Erion Veliaj

CNA prej muajsh ka raportuar se SPAK-u ka nisur një hetim ndaj kreut të Bashkisë së Tiranës, Erion Veliaj, në lidhje me aferat korruptive në institucionin që ai drejton. Madje ndaj tij dhe familjarëve ka nisur edhe një hetim pasuror. Pra, Erion Veliaj është në "sitën" e SPAK-ut dhe po përdor çdo formë për t'u shpëtuar organeve të ligjit.

Së fundmi, një lëvizje e tij ka rënë në sytë e të gjithëve. Kryebashkiaku ka mbyllur "Instagram"-in e tij. Ai ishte shumë aktiv në këtë rrjet social, ku nuk mungonte propaganda e tij nëpërmjet videove dhe fotove. 

Pikërisht në një moment kur rrjetet sociale janë shndërruar dhe në "ushqim" për SPAK-un për të hulumtuar rreth çështjeve në hetim, vjen kjo lëvizje nga kryebashkiaku.

Por duhet të sqarojmë se të dhënat apo çdo veprim i bërë në faqen e "Instagram"-it të Erion Veliajt ruhet nga kompania "Meta". Edhe nëse llogaria nuk është aktive, çdo veprim i mëparshëm është i regjistruar. 

"Meta" ka të gjitha të dhënat edhe me detaje, për të gjitha fushatat promovuese apo "promote" me shuma parash që Veliaj mund të ketë bërë për aktivitete të ndryshme. 

"Meta" ka të dhënë për çdo lloj financimi që Veliaj mund të ketë bërë në faqen e tij të "Instagram"-it. SPAK-u mund të marrë informacion nëpërmjet një kërkese që mund t'i bëjë kësaj kompanie.

Hetimet e SPAK-ut/ A i fsheh dot Veliaj pagesat për reklamimet në
Faqja zyrtare e Veliajt në "Instagram" nuk ekziston

Erion Veliaj duhet ta sqarojë, nëse ka bërë financime, se cili ka qenë burimi i këtyre shumave të parave. Theksojmë se gjatë fushatave elektorale për rrjetet sociale shpenzohen me qindra mijëra euro. 

Veliaj mesa duket është në grahmat e tij dhe po përpiqet të gjejë çdo manovër për t'i shpëtuar drejtësisë. Por këtë herë e ka të vështirë. Drejtorët e tij janë pas hekurave, madje u janë sekuestruar edhe pasuritë./CNA 

 





Lajmet e fundit nga