web counter
LEXO PA REKLAMA!

SHKARKO APP

App Store
Google Play

E fundit!

x

Në panik nga SPAK-u, mbylli "Instagram"-in/ Si justifikohet Veliaj

9 Korrik 2024, 16:02, Aktualitet CNA
Në panik nga SPAK-u, mbylli "Instagram"-in/ Si justifikohet
Erion Veliaj, foto e shkëputur nga rrjetet sociale

Pas hetimeve të SPAK-ut, kryebashkiaku Erion Veliaj është vënë në lëvizje.

Së fundi, Veliaj ka mbyllur faqen e tij të "Instagram"-it, në të cilën nuk lodhej së reklamuari propagandën e tij.(LEXO KETU)

Për të justifikuar lëvizjen e tij të kapur mat, Veliaj ka reaguar në "Facebook" ku shprehet se "Instagram"-i i tij është hakeruar dhe po punohet për ta rikthyer sërish.

“Jam shkrirë sot, duke qeshur me lot. Gjithë këta njerëzit që deri dje thoshin: ‘Na çmendi, pse nxjerr çdo gjë në 'Instagram'’, ‘çfarë janë këto punë publike’, ‘çfarë janë këto pemë’, ‘çfarë është ky asfalt’, krejt papritur u shqetësua gjithë opozita sot: ‘Ku është 'Instagram'-i i Lalit?’ 'Instagram'-i do kthehet, sapo e kemi rikuperuar nga hakerimi, por edhe kjo puna ‘hip se të vrava, zbrit se të vrava’ si e vetmja mënyrë për të bërë opozitë, sikur nuk shkon”, është shprehur Veliaj përmes një videoje në rrjetet sociale. 

SPAK-u së fundi ka sekuestruar kompaninë "5D" ku pronarë “de facto” janë Redi Molla dhe Mariglen Qato. Po ashtu ka sekuestruar hotelin luksoz me 5 yje të Redi Mollës si dhe pasuri në emër të familjarëve të drejtorëve të Veliajt.

CNA ka raportuar më herët se po hetohet pasuria e Erion Veliajt, si dhe familjarëve të tij.

Pak ditë më parë CNA zbuloi skemën merimangë se si Veliaj u ka dhënë mijëra euro familjarëve të bashkëshortes së tij, Ajola Xoxës, nënës dhe dajës së saj.

Veliaj është në panik nga veprimet e SPAK-ut dhe po përdor të gjitha kartat për të shpëtuar lëkurën e tij, edhe mbyllja e "Instagram"-it është një mënyrë që Veliaj duket se po e përdor./ CNA

 





Lajmet e fundit nga