web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrimi i hotelit të drejtorit të Veliaj/ Brisida Shehaj: Vendim i vonuar i SPAK-ut

9 Korrik 2024, 20:26, Aktualitet CNA
Sekuestrimi i hotelit të drejtorit të Veliaj/ Brisida Shehaj: Vendim i
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj ka komentuar vendimin e SPAK-ut për sekuestrimin e hotelit të drejtorit të Erion Veliajt.

Në një prononcim për mediat, Shehaj është shprehur se sekuestrimi i aseteve është veprim i vonuar pasi është denoncuar nga drejtuesi politik i PD-së për Tiranën Belind Këlliçi muaj më parë.

Ekspertja e Ekonomisë deklaroi se SPAK është i vonuar sepse kallëzimi ka patur brenda detaje shumë të forta që lidhen me aktivitetin financiar të kompanisë, ka patur të renditura të gjitha procedurat tenderuese që ka patur ky subjekt.

Shehaj shtoi se kallëzimi ka pasur brenda tij lejet e ndërtimit që ka dhënë Erion Veliaj, brenda në kallëzim është kërkuar të hetohet edhe pronësia  e tokave mbi të cilat janë ndërtuar këto leje.

“Sot SPAK ka sekuestruar asetin. Janë dy certifikata pronësie që janë bërë publike nga Belind Këlliçi 2 muaj më parë dhe është një aset që është blerë në emër të prindërve të Redi Mollës, është një aset që është zhvilluar është rikonstruktuar dhe tani është kthyer në një butiq-hotel.

Sipas informacioneve që kanë ardhur që në kohën e fushatës, bëhet fjalë për një godinë e cila ka dhe ndërtim pa leje brenda. Këtë nuk e pashë të hetuar ndoshta SPAK po zhvillon hetime të mëtejshme, por ajo që mund të themi që SPAK është shumë i vonuar.

Është shumë i vonuar sepse kallëzimi ka pasur brenda vetes detaje shumë të forta që lidhen me aktivitetin financiar të kompanisë, kallëzimi ka pasur brenda tij të renditura të gjitha procedurat tenderuese që ka pasur ky subjekt, kallëzimi ka pasur brenda tij lejet e ndërtimit që ka dhënë Erion Veliaj, brenda në kallëzim është kërkuar të hetohet edhe pronësia e tokave mbi të cilat janë ndërtuar këto leje.

Nga denoncimet që vinin gjatë fushatës, në terren edhe titujt e pronësisë së këtyre trojeve që janë marrë lejet kanë problematika”, tha Shehaj./ CNA





Lajmet e fundit nga