web counter
LEXO PA REKLAMA!

SHKARKO APP

App Store
Google Play

E fundit!

x

“Godet” sërish Veliaj/ Si mashtron për numrin e turistëve

9 Korrik 2024, 18:38, Aktualitet CNA
“Godet” sërish Veliaj/ Si mashtron për numrin e
Erion Veliaj, burimi i fotos: Rrjetet sociale te kryebashkiakut

Kryebashkiaku Erion Veliaj vijon sagën e mashtrimeve. Pasi gënjen e mashtron për pyllin orbital, pasi gënjen se ka kolegë prokurorët e SPAK dhe oficerët e BKH-së, pasi vjedh dhe kopjon idetë e drejtuesit politik të PD-së për Tiranën Belind Këlliçi për transportin publik falas, së fundi gënjen paturpësisht për numrin e turistëve që kanë vizituar Shqipërinë.

Mashtrimin ia nxjerr zbuluar Ministria e Turizmit dhe Mjedisit.

Sipas shifrave të Ministrisë së Turizmit dhe Mjedisit, 4.5 milionë turistë të huaj hynë në Shqipëri në gjashtëmujorin e parë të vitit 2024 ose 34% më shumë se e njëjta periudhë e vitit 2023.

Ndërsa Lali Eri mashtron dhe thotë që kemi 1 milion turistë çdo muaj. 

“Është një kënaqësi e jashtëzakonshme që kemi një Tiranë plot me turistë sot. Është shumë e rëndësishme që kemi marrëdhënie shumë të mira mes shtetesh, mes qytetesh, por marrëdhëniet më speciale janë mes njerëzve, sepse çdo turist e qytetar kthehet në një ambasador që përhap lajme të mira për vendet që viziton dhe për eksperiencat që ka. Duke qenë se kemi një milionë turistë çdo muaj, sa dyfishi i popullsisë tonë, fakti që Tirana është ende e pastër, fakti që ende kemi respekt për njëri-tjetrin në grup, fakti që respektojmë trafikun, që i lëmë hotelet dhe Airbnb në gjendje siç i gjetëm, meriton gjithë falenderimin dhe respektin nga ana ime”, theksoi Veliaj.

Pra sipas Veliajt, Tirana ka mirëpritur 1 milion turistë në muaj, ndërsa sipas shifrave të Ministrisë së Turizmit dhe Mjedisit, janë 4.5 milionë vizitorë që kanë hyrë në Shqipëri në gjashtëmujorin e parë të vitit 2024.

Sipas llogaritjeve, pa përmendur turistët në vendet e tjera, në 6 muaj duhet të kishte minimalisht 6 milionë turistë.

Pra, qartazi Veliaj mashtron publikisht teksa deklaron se Shqipëria ka pritur 1 milion turistë çdo muaj, pasi shifrat janë të publikuara nga Ministria e Turizmit dhe Mjedisit, e cila thotë se në 6-mujorin e parë të vitit 2024, në Shqipëri kanë hyrë 4.5 milionë turistë.

Tani duhet ndarë.

Kë të besojmë Lali Erin, i cili tashmë e ka bërë si zakon të gënjejë, apo shifrat e Ministrisë së Turizmit?/ CNA





Lajmet e fundit nga